قصة ( العناية الالهية ) بقلمي هادية بطبعى

العناية الالهية 

هشام كان موظف باحدى الشركات الخاصة بأحدى الدول العربية وقد قامت الشركة بنقلة لفرع اخر لها في بلدة اخري فاضطر ان يقوم بنقل عفشة الي البلد الجديدة
قام هشام بتنزيل العفش كلة الي عربة النقل الخاصة بنقل العفش وسافرت سيارة العفش للبلد الجديدة
وانتظر هشام في شقتة لياخذ قليل من النوم والراحة وقد بسط على الارض مفرش لينام هو واسرتة الصغيرة المكونة من ابنة وابن وزوجتة حنان
حتى يرتاتح ويستطيع المقاومة 
اخد قسط قليل من الراحة وقد توكل على الله وقال دعاء السفر ليلحق بالعفش على البلد الجديدة 
ركب سيارتة بعد ان قام بنقل باقي الاشياء الصغيرة في سيارتة الخاصة واخذت حنان زوجتة طفلها الرضيع على صدرها وابنتها قد نامت في الخلف 
سار ببساطة وقد ادار الكاسيت على الراديو  لكي تشغلة لفترة حتى لا ينام 
وهو في عز اندماجة وسماعة للكاسيت 
هشام فجاة احس ان السيارة بها شئ غير عادي  فجاة وجد عداد الحرارة يشير الي ان السيارة قد ارتفعت حرارتها كثيرا توقف هشام قلق وانتظر حتى بردت السيارة وقام بتزويدها بالماء واستعان بالله وقام بتشغيلها مرة اخرى ولكن ؟
السيارة فجاة وقفت تماما في منتصف الليل في الصحراء الجرداء 
ماذا يفعل هشام وقد اعتراة قلق وخوف على اسرتة وعلى نفسة
لان شكل الصحراء مرعب جدا بالليل وهو لا يدري ماذا يفعل ؟
فجاة وجد سيارة دورية للشرطة قد جاءت لتتفقد لماذا هو واقف في هذا المكان؟
هشام حمد الله وهدأ قليلا مع وجود الشرطة 
قاموا بمحاولة لمعرفة ماذا حدث للسيارة وفعلا قاموا بتزويدالسيارة بالماء بعد ان بردت تمام وفعلا قد تحركت  وسار بها هشام فترة من الوقت ولكن سمع فيها صوت تخبيط بالماتور 
ووقف؟
في وسط الصحراء 
ماذا يفعل ؟
اتصل على الشرطة لتاتي لمساعدتة 
وفعلا ظهرت سيارة الشرطة بعد فترة وجيزة  واتجهت لفحص سيارتة مرة اخرى ولكن دون جدوى ..........
اتصل رجل الشرطة بعربة خاصة بسحب السيارات العطلانة 
وقد جاءت الساطحة لسحب سيارة هشام وركب هشام وزوجتة واولادة حتى اقرب بلد لاصلاح السيارة وقام هشام بالبحث عن فندق ليترك اولادة بالسيارة ولكن لم يجد فقد كان الملك يزور هذة البلدة ولا يوجد اي  فندق واحد فية مكان خالي؟
وفجاة قال لة الرجل الذي قام بسحب سيارتة تفضل انا عندي غرفة صغيرة اجلس فيها بمفردي واسمح لي احنا من نفس البلد وعرب مثل بعض فارجو ان تقبل ان تضع اسرتك بالغرفة حتى تنتهي من اصلاح سيارتك
وفعلا وافق هشام على مضض وترك اسرتة في غرفة هذا الرجل لانة يعمل طول النهار ولن يكون بحاجة لهذة الغرفة 
لان ورديتة طول النهار فقط 
ذهب هشام لاصلاح سيارتة ولكن بعد محاولات كثيرة لم يستطع ان يصلح سيارتة ماذا يفعل وقد بدأ الليل يخيم على المكان 
اقترح الرجل الطيب سائق الساطحة مكان لهشام وزوجتة واولادة ماذا اقترح علية يا ترى ؟
اقترح علية ان هناك اسرة من نفس بلدتة تسكن في هذة البلد ايضا وعلى استعداد تام ان يستضيفوهم عندهم لحين الانتهاء من تصليح سيارتهم ولكن هشام قال لة على الفور كيف اقيم عند اشخاص لا يعرفونني ولا اعرفهم ؟
ولكن السائق قال لة انة بمثابة عمدة هذة البلد رجل طيب جدا وكل ابنائة متزوجين وهو في مثل سن والدك 
تعالى معي ولا تقلق باذن الله انت رجل طيب استاذ هشام والله لن يتركك بمفردك ابدا.
سار هشام واسرتة في عربة السائق لبيت هذا الرجل ودخلوا وسلموا عليهم وفور ما دخل هشام هذا البيت وتكلم مع صاحب البيت وجد انة رجل طيب جدا هو وزوجتة وهو رجل يعمل بالمقاولات 
وكل اولادة متزوجين 
استضافة بالبيت يومين احسن استضافة كانة يعرفهم جيدا شكرة هشام بعد ما اصلح سيارتة وكل شئ اصبح تمام 
لانة غير لسيارتة قطعة في ماتور السيارة وتوكل على الله
تحرك هشام واسرتة بالسيارة متجها للبلد الجديدة على امل ان كل شئ تمام
وفجاة  بعد ما سار حوالى 100 كيلو سمع صوت عالي جدا بالسيارة وتوقفت السيارة تماما هشام كاد ان يغمي علية من هول المصيبة التي اصابتة للاسف دخل في مكان لا توجد فية تغطية من شبكة الجوال والليل بدأ يدخل عليهم ماذا يفعل ؟
هشام كاد ان يصرخ ويبكي ماذا يفعل هو و اسرتة 
يا الهي يا مجيب الدعوات  ارجوك لا تتكرني انا واولادي في هذا المكان والليل البهيم يخيم من حولنا 
وحنان تدعو الله تضرعا وخوفا من ما قد يحدث لهم في هذا المكان الموحش
فجأة لاحت لهم سيارة شرطة من بعيد جرى هشام عليها وقد توقفت امامهم 
ونزل الشرطي وقال لهشام ماذا حدث 
فقال لة القصة باختصار 
فقال توجد بلد على بعد 30 كيلو 
ان شاء الله ها اذهب الى هناك وابعث لك بسيارة ساطحة ؟
وتركة الشرطي وحيدا وسط الصحراء ؟
فجأة بعد فترة قصيرة من الزمن وجد هشام وابل من السيارات التي وقفت لة على الطريق السريع وسط الصحراءوكل واحد يعرض علية المساعدة
فكان هناك من يعطية ماء وهناك من عرض علية ان يأخذ اولادة معة ويوصلهم للبلد ولكن زوجتة رفضت ان تتركة بمفردة وحيدا
و توقفت فجاة امامة عربة كبيرة عائلية ونزل صاحبها وعرض على هشام وقال لة والله لن اتركك انت وعائلتك والليل قرب يدخل عليك في هذة الصحراء الجرداء
فقال لة ماذا ستفعل قال ساسحبك بسيارتي سيارتك صغيرة ومعي حبل وسيارتي كبيرة فقال هشام هل ستنفع قال نعم ولكن اضبط نفسك معي و
توكل على الله يا رجل لا تخف ان الله معك 
انت اكيد انسان طيب  (انت اكيد انسانة طيب )رنت العبارة في اذن هشام لثاني مرة يسمعها ؟ بدأ يتسائل هشام

هل فعلا الله قد بعث لة هؤلاء الاشخاص لمساعدتة في هذا الوقت العصيب هل الله يقف معي احمدك واشكر فضلك يا الله
المهم ركب هشام سيارتة وقاد عربتة بسرعة الرجل الذي يقوم بسحبة بالرغم من ان هذا الفعل مخالف تماما لقانون المرور في هذا البلد
سار هشام حوالي 70 كيلو بهذة الطريقة وتوقف بة الرجل في محطة للبنزين وتركة وقال لة انة سيتجة لبلدة وهذا ليس نفس طريق هشام وشكرة هشام بكل لطف وقال الرجل لة الله يوفقك.
عندما توقف كان الليل قد خيم على المكان ونزل هشام ووجد ان الميكانيكي غير موجود واقرب ميكانيكي موجود على بعد 50 كيلو 
فجاة ظهر لة شخص اخر يركب سيارة لنقل المواشي وقال لة انا لن اتركك هنا انت واسرتك انا استطيع ان اسحبك حتى اقرب مكان لكي تصلح بة سيارتك او تنقلها للبلد التي ستسكن فيها  بساطحة
تخيلوا معي المنظر 
قام السائق بسحب هشام باقي المسافة حتى وجد مكان لسحب السيارت وفية مبيت ( فندق صغير)وتركة الرجل وقال لة انت رجل طيب يا استاذ شكرة هشام وتعلق بذهنة العبارة ( انت رجل طيب )
توجة وسأل على الساطحة فقالوا لة في الصباح ستكون هناك ساطحة .
توجة هشام لاحدى هذة الغرف ونام فيها هو واسرتة حتى الصباح 
وقد كانت الساطحة موجودة وقامت بسحبة باقي المسافة حتى منزلة للبلد الجديدة ولكن كل هذة الرحلة العجيبة جعلتني اتوقف واتسائل 
ان الله كان يقف مع هشام وعائلتة بكل قوتة حتى يصل لبر الامان والرعاية الالهية فقط هي من رعتة ليصل لبر الامان والا لكان في خبر كان وسط الصحراء الموحشة 
حمد هشام الله كثيرا على رعايتة لة هو واسرتة ولكن تبقى كلمة .........
انت انسان طيب 
هل فعلا الانسان الطيب ربنا يقف جانبة 
وييسر لة خلق الله لمساعدتة في كل مواقفة ام ماذا ؟

اتمنى ان تكوت القصة نالت رضاكم

اترككم في رعاية الله وحفظة 

رباب وما ادراك ما رباب

رباب طالبة جامعية في اخر سنة في كلية الاداب 
فتاة هادئة شكلا وموضوعا جميلة الملامح 
تعيش في هدوء تام مثل النسمة لا يشغلها الا دراستها فقط ولا غير دراستها لها الكثير من الصديقات بدفعتها 
تحب مساعدة الغير بدون مقابل تسير بها عجلة الحياة بدون توقف ................
انتهت دراستها وانتظرت النتيجة وفعلا قد حصلت على الترتيب الخامس على دفعتها كانت منتظرة ان تحصل على ترتيب اكبر وان تكمل دراستها بالجامعة ولكن حلمها تحطم على اول صخرة تعيشها على ارض الواقع ؟
خرجت لتكمل دراستها في كلية اخرى لعل وعسى ان تجد ما تبحث عنة وبجانب ذلك قامت وادت الخدمة العامة لمدة سنة وهي تقوم في نفس الوقت بعمل دبلومة في كلية التربية وفعلا تفوقت في الدبلومة 

ولكن لا تأتي الرياح بما تشتهي السفن ؟

لطالما ارادت رباب  ان تكون طالبة متفوقة ومتميزة 
ولكن التحكم الاداري بالكلية جعلها تغير طريقة تفكيرها 
وتبحث عن عمل ولكن ؟
لم توفق ان تعمل عمل تحبة وتعشقة 
بل عملت عملا لمجرد كسب لقمة العيش 
دعوة للتفكير
من منا يعمل عملا يحبة ويرضاة ؟
ومن منا يعمل لمجرد كسب لقمة العيش ؟
هل الحياة عادلة ام لا ؟
هل كل فرد في حياتة راضي عما وصل الية ام لا ؟
هل وهل وهل كلها تساؤلات كثيرة تدور بذهني 

من منا مثل رباب ؟

دعوة للتفكير هل سينصلح الحال ام لا ؟
هل تعمل عملك وكلك حب واخلاص ام 
ستكون مجرد 
(رايح من الشغل وراجع من الشغل وانا مش عارف بعمل اية )
مجرد لاخابيط على ورق 
تحياتي لكم
بقلمي 
hadya

اول قصة من تأليفي ( لحظة امل )

ابطال القصة

عبد الحميد : الاب

عديلة : الام

نادية : الابنة

ياسر : زوج الابنة

الدكتور : شوكت

البداية

عديلة : عبد الحميد انت فين يا راجل سرحان في اية ؟

عبد الحميد : ولا حاجة قاعد بفكر في ملكوت الله

عديلة : يعني انت سايبني افكر في حكاية بنتك نادية

لوحدي وتمتمت ( يا مخلفة البنات يا شايلة الهم للممات )

عبد الحميد : بتقولي حاجة يا عديلة ؟؟

ابدا يا خويا هو انا اقدر اقول حاجة طول ما انت موجود و(على وشها ضحكة صفراء )

عديلة : المهم ها نعمل اية لبنتك

عبد الحميد : ان شاء المولى عز وجل نروح لها بكرة ناخدها للدكتور

عشان يطمنا عليها وعشان اخلص من زنك وقرفك

عديلة : بتقول اية يا عبد الحميد ؟

عبد الحميد : ما بقولش حاجة انا داخل انام الصباح رباح

لما نشوف ربنا رايد اية

تصبحي على خير

عديلة : هو انت كدة ديما كل ما تتزنق تدخل تنام

قصرة انا كمان ها ادخل اتخمد يمكن ارتاح

والي هنا ينتهي الجزء الاول 

الجزء الثاني 

تاني يوم الصبح راح عبد الحميد شغلة

وعديلة كالمعتاد بعد ما عبدو بيمشي

توضب الشقة على السريع وتبدأ تجهز للغدا

وصبحت على جارتها وشربت معاها الشاي

وعبد الحميد راح الشغل وعلى الساعة 11

استأذن عشان يروح يودي نادية للدكتور زي

ما اتفق مع عديلة قبل ما يخرج

وكان ميعادهم الساعة 1 الظهر

المهم رجع عبد الحميد بدري واخد عديلة

وراحوا لنادية وفي السكة عبد الحميد اشترى

(فاكهة - خضار - صلصة - مرقة - رز - زيت - سكر
صابون )

وكانت عديلة عاملة حسابها في

(بطة - وجوز حمام - فرختين بلدي )

عشان ما تروحش فاضية لبنتها وخصوصا

انها بتعتبرها لسة عروسة برغم انها بقالها

ست شهورمتجوزة طالما لسة ما خلفتش

تبقى لسة عروسة وصلوا لغاية عمارة نادية

البواب : اهلا استاذ عبد الحميد وجري جري قام ياخد الحاجة

منة ويشيلها عشان يطلعها فوق للست نادية

وبياخد اللي فية القمسة والنصيب وبيدعي

ديما للاستاذ عبد الحميد وحرمة بكل حاجة حلوة

جرس الباب ترن ...............ترن ................

نادية : مين بيخبط

عديلة : افتحي يا نادية انا امك يا حبيبتي

نادية : ماما وبابا وحشتوني قوي

بقالكم كام يوم ما جيتوش زورتوني لية ؟

عبد الحميد : معلش يا نودة انت عارفة الشغل كل يوم

وعقبال ما اخلص وارجع اتغدى واريح العضمتين

اعمل اية ابوكي كبر بقى وما عادتش يقدر يخرج

بعد الضهر.

نادية : ازاي تقول كدة انت زي الفل شاب وسيم وجميل

وزي العسل .

عديلة :بصوت واطي فين دة هو انا ما بشوفش ؟


نادية : ازاي بقي دة الشباب شباب القلب يا عبدو

والا اية يا ماما ؟

عديلة : اه طبعا يا بنتي هو انا اقدر اقول غير كدة

(قال شاب قال بينها وبين نفسها )

نادية وبعدين اية كل اللي انتوا جبتوة دة كلة

هو كل مرة كدة وبعدين انا عندي البيت مليان على الاخر

والحمد لله مفيش داعي للمصاريف دي كلها كل مرة

عديلة : ازاي هو دة كلام اوعي تقولي كدة

دة خير ابوكي يا عبيطة ولازم نيجي بمقامنا

والا عايزة اهل جوزك يقولوا علينا بخلاء

عبد الحميد : هو انا عندي مين غيرك يا حبيبة قلب بابا

نادية : والله ما كان لة لازمة انت عارف ياسر مش مخليني عايزة حاجة

ابدا

عبد الحميد : ربنا يخلية ليكي يا بنتي يا رب ويبارك فية

واخبارة اية تمام

نادية : تمام الحمد لله واحنا كويسين مش ناقصنا غير رضاكم عنا

يا رب يكون الجزء دة عجبكم 

الجزء الثالث

عديلة : المهم قومي البسي عشان تخرجي معانا دلوقتي يا نادية
نادية : ها نروح فين يا ماما ؟
عديلة : للدكتور طبعا ابوكي حجز ميعاد الساعة واحدة ياالا عشان ما نتاخرش
نادية : ما اقدرش اخرج من غير اذن جوزي
عديلة : الله هو احنا ها نروح في حتة غلط لا سمح الله
عبد الحميد: الاصول اصول يا عديلة خليها تستاذن جوزها الاول قبل ما تخرج
ما يصحش انها تخرج من غير اذنة الله وبعدين هااااااااااااااااااا
عديلة : اوف خلاص قومي كلمية على المحمول بتاعكم دة واطلبي منة الاذن
( قال اذن قال عشنا وشوفنا بتطلب الاذن عشان تخرج مع ابوها وامها )
نادية : الو ياسر ازيك يا حبي عامل اية وحشتني يا حياتي
عديلة : هو لحق مش خارج الصبح ما تندلقيش علية كدة خليكي تقيلة

عبد الحميد : يا ساتر امك مفيش فايدة فيها , خليها تكلم جوزها بحنية
( دة كتر الجفى يعلم القسى )
عديلة : تمصمص شفايفها وتقول
هو انا ها اخلص منك انت وبنتك انتم احرار اعملوا اللي انتوا عايزينة
نادية : قفلت الخط وقالت خلاص ياسر وافق يا بابا انا رايحة البس بسرعة
عديلة : هو يقدر ما يوافقش كنت عملت ................
عبد الحميد : ما تسكتي يا عديلة الله هو شغل الحموات دة مش ها يخلص ابدا
روحي يا بنتي البسي بسرعة عشان نلحق ميعاد الدكتور
نادية : حاضر يا بابا هوا
نادية : نادية طول الطريق بتفتكر شريط شغال ازاي قابلت ياسر اول مرة
في حفلة الجامعة وازاي اول مرة عينها وقعت على عينة
وازاي الاعجاب كان متبادل بينهم بلغة العيون

وكان اكبر منها ب 3 سنين
وبعد تخرج ياسر وحصولة على بكالوريوس تجارة
اتقدم لنادية واهلها رحبوا بية جدا
كان شاب ممتاز من عيلة محترمة وابن ناس
وكان ميسور الحال ورث عن ابوة مكتب محاسبة كبير جدا
في احسن مكان في نص البلد ولة سمعة كبيرة
ولكن اهل نادية عملوا خطوبة بس
لغاية ما تخلص دراستها ووافق ياسر لانة
كان بيحب نادية جدا وعمل كل اللي قالوا علية
وفعلا اول ما اتخرجت نادية عملوا الفرح وكل زمايلهم كانوا
بيحسدوهم على حبهم لبعض وقد اية كان ياسر حريص على نادية
وبيلبي لها كل طلباتها
عبد الحميد : نادية نادية احنا وصلنا
فاقت نادية على صوت والدها
نادية : ايوة يا بابا
عبد الحميد : يالا انزلي احنا وصلنا وامسكي ايد امك
لحسن تقع وتجيب لنا وجع الدماغ على الفاضي
يمكن تنكسر والا حاجة وهية عضمة كبيرة ههههههههههه
وعلى وشة ضحكة ( زي ما قالت لية بالضبط ما هو انا لازم اردهالها )
والي هنا ينتهي الجزء الثالث اشوف رودودكم على خير

الجزء الرابع  

طلعوا العمارة الكبيرة اللي مليانة دكاترة في كل التخصصات 

ودخلوا عيادة الدكتور شوكت اكبر اخصائي نساء وولادة 

عبد الحميد : لو سمحتي يا انسة عندنا حجز ميعادة دلوقتي 

السكرتيرة : باسم مين يا فندم ؟

عبد الحميد : نادية عبد الحميد

السكرتيرة : ايوة الميعاد دلوقتي واصلين في ميعاكم بالضبط

اتفضلوا الدور عليكوا 

عبد الحميد : السلام عليكم ورحمة الله وبركاتة ازيك يا دكتور 

شوكت عامل اية 

الدكتور شوكت : وعليكم السلااااااااااااااااااام اهلا يا استاذ عبد 

الحميد فينك من زمااااااااااااااااان واحشني والله عامل اية وازاي 

صحتك ، والتفت لعديلة اهلا يا مدام عديلة ازاي صحتك يا رب 

تكوني بخير 

عبد الحميد : في احسن حال الحمدلله والله ليك واحشة يا دكتور 

 

عديلة : الحمدلله يا دكتور بس المهم نادية وشاورت على بنتها

الدكتور شوكت : بسم الله مشاء الله كبرتي يا نادية والله من زمان

ما شفتكيش والله كبرتي وكبرتينا معاكي 

نادية : ابتسمت ابتسامة خفيفة تنم عن خجلها  

عديلة بلهفة واندفاع شوفها يا دكتور متجوزة بقالها ست شهور 

ومحصلش حمل لغاية دلوقتي واحنا قلقانيين عليها جدا

الدكتور شوكت : عادي جدا ست شهور مش وقت اساسا وفي 

ناس بتقعد بالسنين وما يحصلش حمل  ما تقلقيش 

عديلة : بسرعة فال الله ولا فالك يا دكتور تف من بقك هو دة كلام 

تقولوا يا دكتور 

عبد الحميد : بسرعة قال خلاص يا دكتور شوكت شوف اللازم 

واعملة عشان نطمن الله يكرمك يا رب 

الدكتور شوكت : مبدئيا نعمل شوية فحوصات عادية وشوية 

تحاليل بسيطة وسونار وبعدين نشوف المطلوب اية 

نادية : ها تاخد وقت يا دكتور ؟؟؟

الدكتور شوكت : لا ابدا بس في معمل تحاليل ها ديكي عنوانة 

تروحي عشان تعملي اللي ها اكتبهولك بالضبط والمرة الجاية 

وانت جاية وجايبة معاكي نتيجة التحاليل يا ريت تجيبي معاكي 

جوزك عشان نطمئن علية 

وبالمرة عشان تطمنوا على الاخر بردوا ها اكتبلك على تحليل ها 

يعملة جوزك عشان نختصر الوقت والجهد للاطمئنان ليس اكثر 

ولا اقل وتجيبي النتائج وتيجي معاة ولما تيجي ها اعملك السونار 

ونشوف حال الرحم والمبايض

عديلة : مندفعة كالعادة امال لازم يجي هو يقدر ما يجيش عشان 

نطمن على بنتنا بردوا ومستقبلها وقالت 

في سرها 

( لا يكون العيب من جوزها )

عبد الحميد : خلاص يا دكتور البركة فيك ان شاء الله تتابع معانا 

عشان تطمنا 

الدكتورشوكت : بص لنادية وقالها ادي يا ستي الروشتة اللي فيها 

التحاليل المطلوبة اعمليها الاول وبعدين نبقى نكمل بقية الكشوفات 

وعلى الاقل يكون جوزك معاكي وحاضر كل الفحوصات 

والاشعة تمام والا ليكوا راي تاني ها يا استاذ عبد الحميد اية رايك

عبد الحميد : الرأي رأيك يا دكتور شوكت اللي تشوفة ها نعملة 

هو احنا لينا راي من بعدك 

الدكتور شوكت : خلاص دة المطلوب وأول ما تعملوا التحاليل 

تعالي يا نادية مع جوزك زي ما قلتلك 

نادية : ان شاء الله يا دكتور 

عبد الحميد : نسيبك في رعاية الله والف شكر 

الدكتور شوكت : على اية يا عبد الحميد هو انا لسة عملت حاجة 

يا مسهل وان شاء الله يكون كلة خير مع الف سلامة

الي هنا ينتهي الجزء الرابع

 الجزء الخامس 

رجعت نادية البيت وجهزت الغدا لان ميعاد رجوع ياسر

من الشغل قرب نادية سمعت مفتاح الباب

نادية : انت جيت يا  يسور 

ياسر : ايوة يا حبيبتي 

كان يوم صعب كان عندي مراجعة مالية لشركة كبيرة ويا دوب 

لسة مخلصها من شوية فقلت ارجع جري عشان وحشتيني 

وطبع على جبينها قبلة حارة امال فين الاكل لحسن واقع من 

الجوع وعصافير بطني بتصوصو

نادية : حالا يا حبيبي هايكون جاهز على السفرة عقبال ما تغير 

هدومك ها اكون جهزت الاكل

ياسر : على السفرة اية الاكل الجميل دة دة ريحتة تجنن جايبة اخر

العمارة اول ما دخلت قلت على طول اكيد دة ريحة طبيخ نادية 

حبيبتي 

نادية : ما انحرمش منك ابدا يا حبي 

ياسر: بالحق عملتي اية النهاردة عند الدكتور شوكت ؟

نادية : مفيش عادي طلب مني شوية تحاليل وسونار بس ..........

ياسر : بس اية ؟

نادية : طلب مني اني اجيبك معايا المرة اللي جاية

ياسر : طب واية المشكلة ؟

نادية :  بتردد اصلة طلب مني طلب تاني وسكتت ؟

ياسر : قولي طلب اية انت سكتي لية قولي على طول 

نادية :طلب مني انك تعمل تحليل معين انت كمان وناخد التحاليل

ونروح لة اول ما نجيب النتيجة وسكتت وهي قلقانة جدا من رد فعلة 

ياسر : ببساطة بس كدة ولا تقلقي نفسك والله انا حاسس انها ملهاش لازمة كل الحكاية دي بس عشان نطمن الحاج والحاجة ولدتك خلاص شوفي انا ها اكل وادخل البس تاني ونروح سوا على طول المعمل انت معاكي عنوانة 

نادية :مندهشة ومبسوطة في نفس الوقت 

ايوة طبعا معايا بس انت لسة ما ريحتش اساسا ؟

طب ادخل نام شوية وبعدين نروح المعمل بيقفل على الساعة 11 

بالليل ممكن تنام لسة الساعة 6 المغرب

ياسر : بصي انا مش ها اعرف انام غير لما اطمن واطمنك ان 

احنا نخلص بدري ولو في وقت نروح للدكتور شوكت

نادية  : مش قوي كدة يسور ممكن نروح لة بكرة او بعدة لما 

تفضي 

ياسر: لا خلاص قومي البسي خير البر عاجلة 

وبعدين انا مش تعبان انا زي الفل قومي خلينا نخلص 

نادية : ربنا ما يحرمني منك ابدا يا حبي 

راحوا فعلا الاتنين المعمل وعملوا كل التحاليل اللازمة 

وطلعوا على الدكتور شوكت وطول الطريق ونادية قلبها بينبض وحاسة بشعور غريب مش قادرة تحددة هل هية فرحانة والا خايقة والا قلقانة المهم انها بتدعي ربنا يجيب العواقب سليمة 

وصلوا عيادة الدكتور شوكت

ياسر : ممكن نقابل الدكتور شوكت

السكرتيرة : في ميعاد النهاردة 

ياسر : للاسف لا

لمحت السكرتيرة نادية وقالت مدام نادية مش حضرتك جيتي النهاردة الصبح ؟

نادية : ايوة بس انا جيت عشان التحاليل دي 

السكرتيرة : عملتيها وعلامة الدهشة على وجهها 

وقالت في سرها ( هية لحقت مالها مسروعة كدة لية )

عموما انا ها ادخل للدكتور الكشف دة وانتوا وراه قبل ما تيجي الحالة التانية تمام كدة انتظروا بعد الكشف دة ها ادخلكم بعد ما ادي الدكتور شوكت خبر

ياسر :الف شكر 

المهم دخلوا نادية وياسر للدكتور شوكت واول ما شافهم رحب بيهم جدا وبياسر وفرح انهم استجابوا لطلباتة بسرعة وعملوا اللازم كلة 

عمل سونار لنادية وشاف التحاليل كلها 

وقعد وعلى وشة تعبير غريب 

الدكتور شوكت: انا اول مرة اتحط في الموقف دة 

المفروض اني اقولكم على الحقيقة ما اخبيش عنكم حاجة 

ياسر : قلقتني يا دكتور في اية ؟

الدكتور شوكت : بصراحة تحليلك مفيهوش اي مشكلة 

وسكت

ياسر:  امال فية اية يا دكتور ؟

الدكتور شوكت :الحكاية كلها تتخلص ان مدام نادية مش ها تقدر تخلف كدة طبيعي ...................

ياسر:  يعني اية يا دكتور قولي 

نادية تقريبا انخرست من المفاجأة 

الدكتور شوكت :  بص في مشكلة انها لازم تعمل طفل انابيب وانا قلت اقولكم الصراحة على طول ما الفش وادور عليكم لان عندها مشكلة تمنعها من الخلفة العادية بس .............

ياسر: بس اية يا دكتور قول بسرعة الله يخليك 

الدكتور شوكت : دي ها تتكلف فلوس كتيير هل في امكانياتك تعملها ؟

ياسر : ان شاء الله انا اعمل اي حاجة انا ما يهمنيش الفلوس المهم  مفيهاش خطر ولا ضرر على نادية ؟

الدكتور شوكت :لا ابدا المهم الاستعداد النفسي اهم حاجة وانا بقول اهو الاستعداد النفسي اهم حاجة في الموضوع كلة 

ياسر : بس انا لية رجاء عندك يا دكتور

الدكتور شوكت : انت تؤمر

ياسر : ما تقولش اي حاجة للاستاذ عبد الحميد وحرمة 

ولو سالوك قول كلة تمام وهية مسالة وقت مش اكتر عشان ما نقلقهمش معانا وامتى ممكن نبدأ في الاجراءات ؟

الدكتور شوكت : انا ها اجهز واقولك على كل حاجة بما فيها تكاليف العملية كلها

ياسر : خلاص يا دكتور احنا جاهزين

نادية ما نطقتش بأي كلمة نهائي وطبعا ياسر حاول يهون عليها 

الموضوع لانة عارف ان نفسها في طفل منة وهو كمان نفسة في طفل 

المهم ان الدكتور عمل اللازم وجهز العمليات وكل دة في حوالي اسبوعين كان مجهز كل حاجة

من غير ما عديلة ولا عبد الحميد يعرفوا اي حاجة 

دخلت نادية غرفة العمليات وكان معاها ياسر وواقف جمبها وهية بتقولوا انا خايفة يا ياسر 

ياسر : اوعي تخافي ربنا معاكي ومعايا انت عارفة انا واثق في الله سبحانة وتعالي انة ها يعمل لنا الخير كلة 

وقلبة كان بينبض نبض غريب من كتر الخوف على نادية 

بس بيحاول انة يبين لها انة جاااااااااااااامد جدا 

دخلت نادية غرفة العمليات وطول الوقت ياسر بيقرأ قران لها ان ربنا يعدي العملية على خير وسلام 

فضلت نادية حوالي ساعتين في غرفة العمليات 

الدكتور شوكت طلع وبشر ياسر ان العملية تقريبا نجحت فاضل انها تفوق من البنج

وتطلع من غرفة العمليات 

ياسر: حمد ربنا وقال الف حمد وشكر ليك يا رب 

واول ما نادية طلعت جري عليها جري وهية متلوهة من اثر البنج

وقعد يبوس في ايدها وهو بيبكي من خوفة وقلقة عليها 

المهم فاقت نادية من البنج ولقت ياسر قاعد جمبها وماسك المصحف وبيقرأ فية 

ياسر : بلهفة  الف حمد الله على السلامة يا حبيبتي 

انت عاملة اية وحاسة باية دلوقتي ؟

نادية : حاسة بشوية دوخة  وذغللة 

الدكتور شوكت : دخل على جملتها وقال طبعا من اثر البنج بس انت زي الفل مفيش الحمد لله اي مشكلة خالص واول ما اطمن عليكي ها اعملك خروج فورا وها اديكي تعليمات تمشي عليها 

المهم بعد يومين رجعت نادية البيت وكان ياسر قايل لعبد الحميد وعديلة انهم مسافرين يومين تغيير جو في شرم الشيخ عشان ما يروحوش لنادية ويعرفوا انها مش موجودة او يقلقوا عليهم 

نادية : ياسر 

ياسر :ايوة يا حبيبتي 

نادية : ها اقول لماما وبابا امتي اني حامل ؟

ياسر :  اول ما تشدي حيلك على طول عشان ما يلاحظوش اي حاجة عليكي وخصوصا انك تعبانة لسة 

نادية : اللي تشوفوا يا حبيبي 

بعد حوالي اسبوع نادية بقت زي الفل واتصلت على امها 

وقالت لها انها في البيت وعايزة تشوفهم زي ما اتفقت مع ياسر بالضبط 

عديلة : الف حمد الله على السلامة انتي رجعتي يا حبيبة قلب امك من السفر 

نادية : ايوة يا ماما وانتوا وحشتوني قوي ونفس اشوفك جدا وعندي خبر حلو ليكي 

عديلة خير يا قلب امك 

نادية لما تيجي خليها مفاجاة 

طول الطريق عديلة بتفكر في اية؟

واية الاخبار يا رب جيب العواقب سليمة 

طلعت عديلة  ومعاها عبد الحميد لبيت نادية واول ما شافتهم الفرحة ما كانتش سيعاهم انهم يشوفوا نادية واخدوها بالبوس والاحضان

عديلة : نادية انتي وشك اصفر لية مش عاجبني مالك يا حبيبتي 

هو انتي ما كنتيش بتاكلي في شرم الشيخ كويس ؟

نادية : مفيش يا ماما انا كويسة جدا مفيش اي حاجة وضحكت

عبد الحميد: ما البنت كويسة اهي انتي لازم تطلعي عيب في البنت سيبها تاخد نفسها دي لسة جايية 

عديلة : المهم اية الخبر اللي انتي عايزة تقولية لينا ومخبياه انا قلبي واكلني 

نادية : بكل بساطة ها تبقي جدة يا عدولة 

عديلة : رقعت زغروووووووووطة كبيرة 

وجريت حضنت بنتها وباستها 

وقالت ايوة كدة فرحي قلب امك هو دة الخبر اللي كنت مستنياة 

من زمااااااااااااااااان الف مبروك يا حبيبة قلبي من جوة وربنا يتمملك على خير وتقومي بالسلامة 

عبد الحميد : الف مبروك يا بنتي انا ها ابقى جد يا سلام يا ولاد 

دة انا ها اعملك ليلة ولا الف ليلة يوم سبوعك بس انتي تقومي بالسلامة 

نادية : لسة بدري على الولادة انا لسة في الشهر الاول 

عديلة : وانتي عرفتي من امتي ؟

نادية : وانا في شرم الشيخ حسيت بشوية تعب 

وياسر اخدني للدكتور كشف علية وقالي اني حامل بعد ما عمل تحليل حمل ودم 

عديلة : انتي لازم تاكلي كويس عشان الواد يطلع جامد مش خرع زي ولاد اليومين دول 

عبد الحميد :ايش عرفك انة واد مش يمكن يطلع بنت 

واد بنت المهم تقوم بالسلامة وخلاص يا عبدو انا الدنيا مش 

سيعاني وها اطلع حاجة لله اول ما انزل من هنا عشان ربنا يقومك بالسلامة 

المهم يمر الوقت وبعد شهر تقريبا فجأة تحس نادية بالم فظيع في بطنها وتصرخ وتصحي ياسر من احلي نومة على صوتها 

الحقني يا ياااااااااااااااسر 

الي هنا ينتهي الجزء الخامس والي اللقاء في الجزء الاخير

الجزء السادس 

ياسر قام مخضوض من النوم بسرعة على صوت نادية ولقى نادية واقعة على الارض بتصرخ في الهول شالها جري 
ونيمها على السرير والعرق يتصبب من جبين نادية 
وعلى وجهها علامات الاعياء الشديد 
قالها اية اللي حصل 
نادية : بصوت مبحوح ولا حاجة فجأة لاقيت بطني بتوجعني وبتتقطع من جوة ومش قادرة ها اموووووووت من كتر الوجع 
كأن سكاكين بتقطع في بطني ومش عارفة اعمل اية وبدات في البكاء بشكل هستيري 
ياسر :انا ها اتصل على الدكتور شوكت حالا 
ولحسن الحظ النهاردة كان يوم واخدة ياسر اجازة من المكتب
وقعد في البيت 
ياسر : الو دكتور شوكت من فضلك يا دكتور نادية تعبانة قوي ومش عارف اعمل لها اية ؟
الدكتور شوكت : هاتها وتعالى على المستشفي الجامعة انا حاليا فيها نابطشية الليلة 
ياسر: مسافة السكة يا دكتور 
الدكتور شوكت عمل سونار بسرعة لنادية وهية بتتلوى من كتر الالام الرهيبة اللي حاسة بيها 
ياسر : اية الاخبار يا دكتور انا قلقان عليها جدا 
الدكتور شوكت شوف يا ابني دلوقتي نادية لازم تدخل حالا غرفة العمليات ؟
نادية :بتسأل بخوف حقيقي باين عليها لية يا دكتور البيبي جرى لة حاجة ؟
الدكتور شوكت : ايوة الحقيقة انتي كنتي حامل في خمس اجنة 
والسونار مبين ان في 3 منهم ماتوا ولازم تدخلي حالا العمليات عشان نحاول نسحب 3 اجنة الميتين ونسيب 2 التانيين 

ياسر : يا دكتور انا مش فاهم حاجة ؟

الدكتور شوكت : شوف اطفال الانابيب غالبا منهم اللي بيموت او العملية بتفشل ومش من اول مرة بتنجح العملية وانا ما حبتش اخوفكم عشان كدة لقحنا خمس اجنة لان امكانية انهم يعيشوا كلهم مش بتنجح في كل الاوقات عموما ربنا يسهل 
ها تدخلى دلوقتي نحاول نسحب الاجنة لان وجودها ممكن يعمل تسمم للام 

نادية : لا حول ولا قوة الا بالله العلي العظيم 
لا راد لقضاء الله  انا موافقة يا دكتور كل اللي ربنا عايزة ها يكون

ياسر : ربنا معاكي يا حبيبتي ويقومك بالسلامة 
ومش مهم اي حاجة يا دكتور المهم نادية لو في خطر عليها انا مش عايز اطفال انا عايزها هية وبس فاهمني يا دكتور ارجوك اعمل اللي يملية عليك ضميرك 

الدكتور شوكت :باذن الله تعالى ربنا ها يوفقنا والعملية دي مجربها قبل كدة كتيير سيبها على الله

نادية : انا عايزة ماما وبابا قبل ما ادخل اشوفهم يا ياسر ضروري ابعت لهم لا يحصل حاجة لية وانا ما شفتهمش 

ياسر :اوعي تقولي كدة ربنا معاكي وها تقومي بالسلامة يا حبيبتي 

حاضر ها اتصل بيهم حالا 

دخلت نادية غرفة العمليات وكانت ساعة عصيبة على امها وابوها وحبيب قلبها ياسر 

ولكن ارداة الله فوق كل اعتبار 

خرجت نادية من غرفة العمليات وهي مصفرة تماما 

لانها نزفت دم فى غرفة العمليات 

ياسر وعبد الحميد وعديلة جريوا على نادية وطبعا مش كانت فايقة وهما بيبكوا من كتر الخوف واللهفة عليها 

والكتور شوكت طلع وقالهم الحمدلله العملية نجحت وسحبنا الاجنة الميتة بنجاح وفاضل التؤام بس ضروري الراحة التامة جدا
وتنام الكام شهر اللي فاضلين على ضهرها ما تقومش الا للحمام وترجع تنام مفهوم والا ها يبقى في خطر عليها

ياسر ركع على الارض وسج لله سبحانة وتعالى شكر لله

على سلامة نادية اولا وثانيا لان ربنا ما حرموش بردوا من انة ممكن يكون اب 

خرجت نادية من المستشفي بعد اسبوع وكانت كلها امل ان ربنا يتمم لها على خير في باقى الاجنة 

وطبعا عديلة ما سابتهاش قعدت معاها اسبوع لغاية ما اطمنت عليها وبعدين بقت تتابعها كل يومين تيجى تنضف وتوضب وتطبخ وياسر قالها ميت مرة يا حماتي انا ها اجيب واحدة تبقى مع نادية في البيت وتعمل لها كل طلباتها وهي رفضت رفض تام 
وقالت لة هو انا ورايا اية يا ابني غير بنتي هو انا عندي اغلى منها ربنا يكرمها وتقوم بس بالسلامة وعدت الايام

في يوم بالليل قام ياسر بردوا على صوت نادية 
يااااااااااااااااااااااااااااااسرررررررررررررررررر

قام مفزوع من النوم وقال انا عارف الصرخة دي الله انا سمعتها قبل كدة 

قام منفوض لانة لقى نادية بتتقلب من الوجع 

ياسر :اية يا بنت الحلال حاسة باية ؟

نادية : مش عارفة يا ياسر انا تعبانة من الصبح ومش كنت عايزة اقولك 

ارجوك يا ياسر اتصل على الدكتور حالا انا بطني فيها مغص 

ياسر : كالمعتاد

ياسر : يمكن وجع عادي وها يروح لحالة انت لسة في الشهر السابع 

نادية :  بس انا حاسة اني ها اولد دلوقتي 

ياسر: هما العيال ما يتولدوش الا في نص الليل ؟

نادية : هو انا بمزاجي انا بقولك شكلي بولد ااااااااااااااااااااه

نادية : ارجوك الحقني انا عندي طلق ولادة 


عمل ياسراتصالة بالدكتورشوكت وقام من احلاها نومة واخد نادية وداها للدكتور وبردوا الصدفة السعيدة للمرة التانية كان نبطشي في نفس المستشفي
واول ما كشف عليها قالة دي حالة ولادة 

ياسر : مش بدري يا دكتور دي في اول الشهر السابع 

الدكتور شوكت :  بدري بس نعمل اية ما تقلقش تقريبا كل اللي بيبقوا حوامل في تؤام بيولدوا بدري 

جهزوا العمليات ودخلت نادية والسيناريو بيتعاد مرة تانية 

عبد الحميد وعديلة وياسر بيدعوا ان نادية تقوم بالسلامة لان الولادة قيصرية مش طبيعية بس مع وجود فارق المرة دي ان شاء الله احسن منتظرين الحادث السعيد

بعد عشر دقايق تقريبا من دخول نادية سمعوا صوت بيبي بيبكي 

في غرفة العمليات وشوية وطلعت الممرضة بالطفل الاول وكان ولد زى القمر وورتة لياسر وجدة وحدتة 

مفيش خمس دقايق وكان الطفل التاني طالع مع الممرضة التانية 
وكانت بنوتة جميييييييييييلة زى مامتها 

ياسر : الف حمد وشكر ليك يا رب ما حرمتنيش من حاجة بقى عندي الولد والبنت وقعد يحمد ويشكر ربنا
وما اقولكوش على عديلة كانت عمالة تكبر في عيون كل اللي بيعدوا عليها ويقولوا لها مبروك تقول خمسة وخميسة في عنيكم 

من عين اللي عدى وشاف ولاد بنتي ولا صلاش على النبي 

نادية خرجت بعد نص ساعة وودوها غرفتها 

بدأت تفوق من البنج وشافت والدها وامها وياسر جمبها 

اول حاجة سالت ولادي كويسين هما فين 

عديلة : حبيبة امك ولادك زي الفل بس  في الحضانة عشان صغيرين 

نادية :  انا عايزة اشوفهم 

ياسر: حاضر بس لما تقدري تفوقي وتمشي ها اخدك تشوفيهم 

عبد الحميد :الف حمد الله على سلامتك يا نودة شدي حيلك 
واكي مسئولية كبيرة بقيتي ام لاتنين مرة واحدة ودي مسئولية ربنا يقدرك على تحملها بقى واحنا معاكي ومش ها نسيبك

نادية :ربنا يخليك لية يا بابا 

طلعت نادية لوحدها من المستشفي بعد اسبوع وبقت تتوالى على المستشفي عشان الاولاد فضلوا في الحضانة شهر كمان لغاية ما الدكتور سمح لهم بالخروج وراحوا البيت واول ما دخلت نادية بيتها
لقت زينة واغاني وحاجات حلوة وكل قرايبها تقريبا وجيرانها وصحباتها ياسر عمل لها مفاجاة السبوع اللي اتاخر حوالى شهر ونص عملوا بالاتفاق مع عبدو ودولة 
ونادية كانت طايرة من الفرح على اغنية حلاقاتك برجالاتك انشاء الله تعيش ان شاء الله تعيش 
عم الفرح والسرور البيت كلة والى هنا سيداتي وسادتي تنتهي القصة من تاليف واخراج 

هادية بطبعى 

على الله تكون عجبتكم