ساعات

ساعات بقعد مع نفسي الاقي نفسي بعيدة 

وساعات القى نفسي غريبة 

وساعات افكر في موقف اتكرر الاقيني شايفة نفسي عنيدة 

وساعات الاقي احوال تخليني تعيسة 

وساعات الفرحة تبقى ملياني والدنيا مش سيعاني من اي حاجة بسيطة 

اه يا نفسي يا اللي مش راسية على بر وكلك على بعضك بقيتي عجيبة 

بقلمي

الوصية الاخيرة

الوصية الاخيرة 

السلام ختام على احلى الانام 

بكتب وصية واعتبروها منسية 

لو جت سيرتي بينكم اوعوا تنسوني 

بدعوة حلوة منكم 

وان كنت في يوم قسيت على حد فيكم 

سامحوني الله يخليكم 

وان كنت سهوا غلطت في حد فيكم 

حقكم عليه وعيني ليكم 

بقلمي 

انا هو انا مفيش مني اتنين

انا هو انا مفيش مني اتنين 

لا عمري رسمت نفسي ولا كان لية وشين

كل الحكاية كلمة حلوة بتتقال بين اتنين 

وبحاول رسم بسمة جميلة على الوجنتين 

ببساطة كدة انا بسيطة جدا والله 

وماليس في اللعب ع الونجين 

بقلمي 

بعتب عليك

بعتب عليك ما بقتش بتعاملني زي زمان 

ما بقاش حبك ليه واخد كل الاهتمام 

حسيت بفتور في شعورك وقلبي بيك ولهان 

عذري الوحيد اني بصبر نفسي على بعدك لية بمشاغل الدنيا اللي لهياك

وامسح خطوط دمعي واللي سالت على وجهي بذكريات كانت رائعة في يوم من الايام 

بعتب عليك 

سيبت الزمن يمشي بينا والايام 

فجأة لاقيت نفسي ضاع العمر بينا والاحلام 

ارجع احاول افتكر كلمة حلوة قولتهالي زمان بس خسارة ع الحب 

وليالي عشتها في عز وامتنان 

بعتب عليك 

بقلمي 

نفسي تعبانة

نفسي تعبانة ومش قادرة تتحمل 

من ضغط الحياة ومش قادرة اكمل 

كلي احلام ان عيشتي تتعدل 

وارجع تمام وما افكرش ودماغي تنمل 

بحسبة بسيطة هاريح مخي 

من اي هم واقعد اتامل 

بقلمي

اه يا بلد

اه يا بلد كل ما فيكي اتهدم 

حتى اخلاق ولاد بلدك راحت وضاعت وبقت عدم 

المسلم بقى بيقتل المسلم ويقول الله اكبر 

والناس كلها كانت واقفة بتتفرج 

ويا عيني على اللي كان بينضرب والناس اللي حاشت وماتت وانداست واللي كان بيصور واقف بيشوف فيلم اكشن وكان مبسوط وبيهزر 

والا الارض اللي كانت بلون الدم معكر 
اه اه يا قلبي على ولاد بلدك يا مصر 

بقلمي 
 

اصعب احساس

اصعب احساس 

ان الحزن يبقى جوة قلبك ومحدش داري بيك

وكل ما تحاول ترسم بسمة الهم يفضل ماليك 

وكل ما تحاول تهرب منه يفضل ماسك فيك 

بقلمي

علامة استفهام ؟؟؟؟؟

علامة استفهام ؟؟؟؟؟

على كل ما يمر بمصرنا الحبيبة 

على كل احوالك وتغيرات أخلاق ولاد 

بلدك العجيبة؟؟

على كل تياراتك المختلفة والمضادة والغير مسالمة والعنيدة ؟؟

على كل حتة فيكي اتهدمت وكانت شامخة وعالية وبعيدة ؟؟

علامة استفهام الى مالا نهاية لغاية ما تهدى احوالك وترجعي مصرنا الحبيبة ؟؟

بقلمي 

انا بحلم

انا حاسة اني بحلم 
وكمان حلمي بايخ 
شايفة مصر والعة 
والكل ماشي هايم 
يا رب صبر اهلي 
ونجيهم من الايام دية 
لحسن قلبي واجعني 
من ايام الاتحادية 
مش كلهم مصريين 
ومسلمين وموحديين
واللي متربيين مع بعض ومبسوطين
اوعى يا مصري تقتل اخوك المصري 
وتحل دمة وعرضة لمجرد اختلاف راية 
وربك هو اللي قال دم المسلم حرام 
مش جيباها من عندي والله دة كلام ربي 

بقلمي 

سنيورة

سنيورة وامورة وكل ما فيها بيقولي انها غيورة 

كتكوتة وبطوطة وكل حاجة فيها زغنطوطة 

بس لو تبطل عند شوية ونشفان مخ 

والله ها تبقى قطقوطة

بقلمي 

نظراتة جذابة

نظراتة لية شدتني 

وبضحكة من عيونة ثبتني 

وبطولة الفارع سجدني 

بصراحة كلك على بعضك 

اغرتني 

بقلمي 

مخلوقة من نصين

ايوة انا مخلوقة من نصين 

نص خير بالفطرة ونص مائل لفعل الخير

نص طيب ونص بيتمرجح على الشطين 

قلبي ابيض ولو دخلت له نقطة سودة 

يشيلها بسرعة ويرجع تاني مالوش 

الا في الخير .

بقلمي 

رمضان كريم

بسم الله الرحمن الرحيم 

رمضــــــــــــان كريــــــــــم
على الحلويين 

رمضــــــــــــان كريــــــــــم 
على الطيبين 

رمضــــــــــــان كريــــــــــم 
على كل المسلمين 

كل سنة وانتم طيبين