انا لله وانا الية راجعون

1. 
   
   
   
   
   
   
   
   
   
   
   توفى الي رحمة الله تعالى
   الحاج ........ اليوم اثر زبحة صدرية
   وتوفى على اثرها تارك ديونة خلفة
   وهو يعلم علم اليقين بهذة الديون
   وماطل في سدادها لمدة عام
   اخذ مواد تموينية من شخص بمالغ كبيرة
   جداً وكان لدية كل الامكانيات لسداد الدين
   واخر مرة وقف امامة الرجل يطالب بديونة
   لانها حقة وحق اولادة
   ولكن استمر في المماطلة ولم يحاول ان يفكر لبرهة
   ان الله لا يترك شخص بدون حساب
   او عقاب
   ولكن داهمة الموت فجأة
   على اثرها توفى الى رحمة الله تعالى
   وترك خلفة ديونة
   هل الله سيحاسبة ام يوقف جميع حساباتة
   حتى يتم سداد ديونة؟
   هل فكر للحظة ان الله اكبر منة ؟
   هل فكر انة سيحاسب على عدم سداد
   ديونة بالرغم انة يستطيع السداد؟
   ولكن فور ما علم الرجل انة مات
   وعرف صدفة لانة يأس ان يأخذ حقة
   بعد ما حدث
   في اخر لقاء لة
   مع الرجل حيث قال لة ان الله لن يضيع حقة
   حتى لو سياخذ حقة في الاخرة
   سامحة لوجة الله سبحانة وتعالى
   وقال لن اكون سبب في عدم
   محاسبتة عند الله انا مسامحة
   يا الله
   هذة هي حقاً اخلاق بعض البشر
   هناك من يسامح في حقة ويتوكل على الله
   ويرضى بأن الله لن يضيع حقة
   وهناك من يستحل حق غيرة
   ولم يفكر في المووووووووووووووت وانة
   سيحل علية فجأة
   الله المستعان
   لله في خلقة شئوووووووووون
   اختكم
   هادية

شعور غريب هل انا روحي طلعت ورجعت تاني لجسدي

النهاردة ها اقول لكم على سر حاجة خطيرة جدا حصلت 
لية تخيلوا معايا كنت مرهقة جدا جدا في يوم ما كنتش نمت بقالي يومين متواصلين وكنت في سفر بعيد ومسافة كبيرة قوي وانا راجعة من السفر حسيت اني بدات مش احس بجسمي خالص وانا صاحية مش نايمة 
كمان حسيت ان روحي بدات تطلع من جسمي كلة حاجة مرعبة 
وشعور رهيب كنت شايفة ان روحي فوق جسمي تخيلوا انا مش عارفة شكل الروح ويسئلونك عن الروح قل الروح من امر ربي 
بس سبحان الله كنت شايفة حاجة هلامية شكل جسمي بالضبط
فوق جسمي زي ما تكون عايمة فوق جسمي 
وانا مش قادرة احرك اي حاجة في جسمي نهائي 
وكأن روحي بقت في طرف انفي 
والله العظيم انا كنت شايفة روحي متعلقة في طرف انفي 
وبقيت مش عارفة حتى اتكلم كل اللي كنت بعملة اني اخد نفس
من فمي بصورة مسموعة عالية لغاية ما تنبهت امي لانها كانت معايا وقاعدة جمبي 
التفتت بسرعة وبتقولي مالك مالك يا بنتي فيكي اية 
وانا مش بحرك اي حاجة غير اني بتنفس بصعوبة جدا 
بدات تحط ايدها على صدري وتضغط فعلا قلبي كان تعبان جدا ومرهق وعيني متعلقة بالسماء 
وانا مش بنطق ولا قادرة اتكلم قعدت تضغط على قلبي وتحرك ايديها وتهز فية والباص اتقلب علية كلة اللي كنت راكبة وبعد  
شوية لاقيت روحي بتنزل حبة حبة من فوقي لجسمي 
لحد ما رجعت دخلت تاني 
بصراحة انا بقول جايز ميعادي ما جاش 

بس هل انا كنت بموت ورجعت روحي لية تاني ؟

والا هل طلعت روحي ورجعت تاني لجسمي ؟

طبعا موقف لا احسد علية شعور رهيب وغريب وعجيب 
حبيت احطة على ورق 
ربنا يرحمني برحمتة يا رب 
ويحسن ختامي اللهم امين 

شوية كلام ع الماشي

صباح مساء الخير 

 اولا وقبل كل شئ 

احب اقول شوية شعور داخلي 
لية كل ما ابقى مستريحة في الدنيا ارجع تاني 
ولازم حاجة تنكد علية عيشتي 
طبعا الاجابة موجودة ؟
عشان هية دنيا متدنية 
والراحة عمرها ما تكون موجودة على سطح الارض
لازم تكون في الجنة وبس .

ثانيا لية كل ما اثق في شخصية معينة 
ارجع الاقي الثقة دي بدات تتزعزع 
شعور رهيب لا اقدر اوصفة 
هل انا بثق في الناس بسرعة وارجع من تاني 
اخد فوق دماغي والا اية ؟
مش عارفة لية الدنيا ماشية معايا بالعكس 
مفيش مرة انشن ويطلع تنشيني تمام 
حاجة غريبة هذة الحياة

قصة النداهة يا رب تعجبكم من تاليف هادية بطبعي

بسم الله الرحمن الرحيم وبة نستعين



بداية قصتنا النهاردة عبارة عن شاب اسمة ابراهيم وبينادوة ببرهومة شاب في مقتبل العمر في بداية العشرينات من عمرة
كان يقطن في حارة صغيرة في احد الاحياء الشعبية البسيطة
على اسطح احد البيوت القديمة في غرفة صغيرة وحمام وكان
لة محبة جمة في قلوب كثير من سكان الحارة لانة كان معروف بخفة دمة وطيبة قلبة
وكان برهومة يعمل محولجي بالسكة الحديد ليوفر لنفسة مطالب الحياة من مأكل وملبس ومشرب ودفع اجرة غرفتة
كان برهومة ينزل يوميا للذهاب لعملة بالسكة الحديد وكالعادة
يصبح على تيفة العجلاتي (توفيق ) صاحب محل العجل اللي على الناصية
ويصبح ايضا على ام محسن بياعة الخضار في الحارة ويفطر بسندويتش فول معتبر من عند عم احمد الفوال ويوزن الطاسة بكوباية شاي في الخمسينة من قهوة كتكوت بتاعة المعلم برعي
وبعد كدة يروح عملة في المصلحة .
واثناء روتين الحياة اليومي فوجئ برهومة انة منقول لمكان اخر
في السكة الحديد وعلية ان يتوجة فورا لاستلام عملة بالمكان الجديد وكالعادة لم يعترض برهومة لانة على حد قولة ما لوش زوجة ولا اولاد حتى اهلة في البلد يعني بالبلدي مالوش حد يسأل علية فلا فرق ان يعمل هنا او هناك .
تسلم خطاب نقلة وكان علية ان يتوجة فورا للمكان الجديد لاستلام عملة بة وكان لاجل حظة السعيد علية ان يخدم في وردية الليل
شفت الوردية يبدا السادسة مساء على ان ينتهي السادسة صباحا
استعان بالله وركب مواصلة ونزل قرب المكان ومشى على ارجلة وعدى على اراضي زراعية كثيرة مليئة بالذرة الطويلة بحيث تخفي اي معالم للطريق وبعد ذلك ركب معدية عبارة عن فلوكة صغيرة في مجرى مائي لكي يصل لكشك المحولجي على حسب وصفة زملائة في العمل وللاسف لا يوجد اي مكان اخر يستطيع الذهاب للكشك الا هذا الطريق والمعدية لها مواعيد ايضا تقفل بعدها ولا يمر اي مخلوق الا مع بزوغ النهار ؟؟؟؟؟؟؟؟؟؟

وصل برهومة وقابل زميلة واول كلمة قالها لة قبل ما يرحب بة
انت اتاخرت ربع ساعة بحالها عن ميعادك وانا ما بحبش اتاخر على ميعاد رجوعي ومش عايز يفوتني المعدية ولا ارجع بالليل
او الدنيا تليل علية هنا انت فاهم ؟
برهومة رد بسرعة وهو متاخد من كلام زميلة قالة معلش انا ما كنتش عارف اوصل عمال اركب مواصلات ومعدية وحاجات غريبة ان شاء الله مش ها اتاخر تاني عليك
رد زميلة وقالة عموما حصل خير بس اوعي تتاخر علية تاني انت مش عارف بالليل بيحصل هنا اية ؟؟؟؟؟؟؟؟؟؟؟
لغاية هنا والجزء الاول خلص
اشوفكم على خير واشوف ردكم الجميل تصبحوا على خير
سلامو عليكوا

الجزء الثاني

برهومة قالة بسرعة اية اللي بيحصل هنا بالليل ؟
يا ريت تقولي , قالة الدنيا بتبقى مليانة جن وعفاريت
وحكايات قتل والا ............... وسكت والا اية برهومة بسرعة اية؟
رد علية
زميلة وقالة (النداهة ) اللي بتطلع وتاخد خيرة شباب البلد وتغرقهم بالمية ؟؟
برهومة قالة يا نهار اسود انا ما اقدرش اقعد هنا ولا ثانية واحدة انا بخاف من ضلي انا ماشي يا عم
رد بسرعة زميلة وقالة انت رايح فين انت عايز تلبس القطارات في بعض وتروح في داهية ........
لو عايز تتنقل لازم الاول تكتب طلب وعلية دمغة وتعرضة على المصلحة وعقبال ما يردوا عليك فيها على الاقل اسبوع عموما شوف خليك في الكشك واوعي تنزل منة لغاية ما اجيلك الصبح
وعندك كنكة قعوة وسكر وشاي وسبرتاية عشان تعمل شاي وقهوة يا عم براحتك لزوم الصحصحة
وعندك تليفون عشان زميلك اللي في المحطة اللي قبلك ب 2 كيلو ها يكلمك قبل ما يجي اي قطر عشان تحولة واهو ونس معاك
السلام عليكم اشوفك بكرة على خير وفجاة اختفى زميل برهومة وسابة لوحدة والدنيا بدأت تليل علية ..........

والي هنا ينتهي الجزء الثاني واشوفكم على خير

الجزء الثالث
شغل برهومة الراديو على اذاعة الاغاني اهي حاجة توش جمبة
وخلاص وبدأ يرتب حاجة بالكشك ويمسح المكتب القديم
من التراب اللي علية وعمل كوباية شاي في الخمسينة
وقعد يستنى القطر اللي علية الدور ومع دخلو الليل وصوت الضفادع والصراصير الليلية والخيالات اشتغلت فجأة ......

النور اتقطع وقال الله الله اهي الليلة دي باين عليها
ليلة مش فايتة يا ليلة سوخة يا ولاد
اعمل اية انا دلوقتي ؟
نور بطارية موبيلة وعملها كشاف
قعد يدور على اي شمعة عشان ينور الكشك
قام لقي كشاف نور يعمل بالجاز وجمبة كبريت
قصرة ولع كشاف النور وقال في نفسة
الظاهر النور بينقطع هنا كتييييييييييييييير
فجأة رن جرس التليفون انتفض برهومة
وكان ها يغمى علية من كتر الخضة
رد على التليفون الوووووووو
بصوت مبحوح مين معايا ؟
الو انا زميلك اللي قبلك ب2 كيلو
في الكشك اللي قبلك انا بنبهك
واقولك ان القطر جاي لك في السكة
استعد يا بطل وحول القطر اللي جيلك في السكة
قالة حاضر بس هو النور بيقطع هنا كتيير سألة بسرعة
برهومة ؟
رد زميلة وقالة كل يوم هو عبد الله مش قالك والا اية ؟
قالة لا والله بس لقيت عندي كشاف نور قمت ولعت النور
واديني قاعد سلام بقى عشان احول القطر ويار يت كل شوية
ترن علية عشان نونس بعض لغاية ما الليلة دي تعدي على
خييييييييييييييييييييييييير
فجأة بعد ما حول برهومة القطر سمع صوت
ارتطام جسم بالمية وصرخة انثى
مكتومة وانين فكر شوية برهومة هل يطلع في الضلمة
الكحل دي ويشوف مين الانثى اللي صوتها
كان مكتوم والا يستنى كافي خيرة شرة
في الكشك ؟
حوالي دقيقة وهو بيجاهد مع نفسة اطلع والا لا؟
يا ترى في حد وقت في المية والا دي النداهة او الجنية
اللي بيقولوا عليها ؟
يا واد بطل عبط مش معقول في جنيات لغاية دلوقتي
احنا في القرن الواحد وعشرين
اكيد خلصوا من زمان جمد قلبك وسمي الله
وانزل شوف في اية يمكن حد عايز مساعدة
وفعلا اخد الكشاف
ونزل السلم واحدة واحدة ووسط الظلام الحالك
قرب اكتر من المية وهو سامع صوت
انين عمال يعلى كل ما يقرب من المية
حتى استجمع قواة وقرب اكتر
وهو مرعوب يا ترى شاف اية
في المية ؟؟؟؟
الي هنا سيداتي انساتي سادتي
انتهى الجزء الثالث والي لقاء
اخر مع الجزء الجديد 

الجزء الرايع والاخير

لقي شعر واحدة بنت في المية حاول برهومة وانة يوصل لشعرها
عشان يمسكها منة ما عرفش واول ما قرر ينزل
المييييييييييييييييييية
قربت البنت منة شوية ولمس شعرها ولسة ها يشدها
فوجئ
بنص وشها حلو قوي ولسة بيمد ايدة عشان يطلعها
لقى نص وشها التاني مشوة
انتفض برهومة من الخوف ولقى البنت
بتقولة بصوت مرعب انت جيب لقضاك
انا ها اغرقك في المية زي اللي قبلك
وقبلك
برهومة حاول يفك ويجري
لقى البنت المشوهة طلعت من المية وجاية وراة
وهو يجري وهية بتجري وراة
وهية بتقولة تعالى انت ها تروح مني فين
مش ها تعرف تهرب مني ؟؟
جري برهومة لغاية ما وصل لكوخ منور وسط
غيطان الذرة العالية وهو بيصرخ
الحقوني يا ناس
الحقوني يا ناس
فجاة اتفتح الكوخ وظهر منة رجل عجوز
شايل في ايدة بندقية
ومعاة كشاف نور قوي قام قال لبرهومة
مالك يا بني في اية
واية اللي جابك هنا الساعة دي
قالة يا عم الحاج انت مش شايف اللي بيجري ورايا
قام الرجل العجوز سلط الكشاف وراة وقالة
طب ادخل بسرعة احتمي بالكوخ عقبال ما
ارجعلك ؟؟؟

ما تخافش يا بني
دخل برهومة الكوخ وهو قاطع النفس
وسمع طلقات نارية وصوت ارتطام جسم بالمية
ومفيش دقيقتين الا ولقى الرجل العجوز
راجعلة وقالة خلاص
راحت في داهية
انت بخير دلوقتي احمد ربنا انك عايش ؟؟
برهومة قالة وهو مذهول هية مين دي يا عم الحاج؟؟
واية الحكاية ؟؟
وكان صوتة مبحوح
رد علية وقالة دي النداهة يا بني
بتطلع كل يوم بالليل ولازم تغرق حد في المية
زي ما هية ماتت غرقانة
بالضبط دي واحدة كانت ماشية على كيفها
لغاية ما ابوها عرف الحكاية بالصدفة وكشفها
وفي يوم واجهها فخافت لا يقتلها
لانة كان بيقولها ها اقتلك واشرب من دمك
فخافت وطلعت تجري منة بالليل ناحية المية
وقامت رمية نفسها في المية وهية ما بتعرفش تعوم
قامت غرقت ومن يومها وعفريتها بيطلع
ويصوت ويرمي نفسة في المية
عشان اي حد يجي ينقذها من الغرق
تقوم تغرقة في المية
برهومة رد علية وقالة واية الحل يا عم الحاج؟؟
قالة حصن نفسك ضد الجان والعفاريت
والشياطين كويس والايات الحافظة
من شياطين الانس والجن
قول اية الكرسي
وضروري الاذكار الصباحية والمسائية
وانت مش ها يطلعك اي حاجة وحشة باذن الله
وانت ما كانش لازم تنزل وتروح لغاية المية وتيجي الحتة المقطوعة
دي لوحدك
برهومة قاطعة وقالة انا لسة اول يوم استلم فية
الشغل هنا النهاردة بكشك المحولجي انا عامل بالسكة الحديد
قالة خلاص تعالى لما ارجعك للكشك واوعى لما تسمع
اي صوت تنزل تاني لان الموضوع دة بيتكرر هنا
كل يوووووووووووووووم؟؟
وانت يا بني مش قد الجان ولا العفاريت
وانصحك لو تعرف تنقل نفسك يكون احسنلك
خلاص يا عم الحاج دي اول واخر ليلة ها اقضيها
هنااااااااااااااااا
انا جتتي نشفت وكان وصل للكشك وسلم علية
وشكرة وطلع يلحق اخر قطر
عشان يحولة
وشغل اذاعة القران الكريم وكان النور جة
والفجر قرب يطلع نورة ويظهر في السماء
فاق برهومة من سرحانة
في اللي حصل معاة في الليلة الاولى لة
في المكان دة على رنة تليفون
الوووووووووووووووووو
مين ؟؟
انت نسيتني والا اية انا زميلك اللي قبلك ب2 كيلو
عامل اية دلوقتي صاحي والا نايم
برهومة رد علية قالة انام فين يا بني دة انا شفت
ليلة طويلة مش راضية تنتهي
ضحك زميلة وقالة معلش عشان اول ليلة
بس بكرة ها تتعود رد بسرعة وقالة وحياتك
واخر ليلة انا ها اخد اجازة لغاية ما اتنقل من هنا
ولو وصل الامر ها اسيب الشغل بناقص الكام ملطوش اللي
باخدهم من المصلحة
رد زميلة وقالة بطل كلام
فاضي يالا استعد لاخر قطر جاي في ورديتك
حولة بسرعة قالة برهومة حاضر
ما هي الا دقايق و
بص برهومة في ساعتة
لاقاها الساعة خمسة ونص الصبح وشوية وعبد الله زميلة
جة ودخل الكشك وقالة
صباح الخير على الله اليوم الاول يكون عدى على
خييييييييييييييييييييييييير
برهومة قالة
انا مش جاي تاني دة اليوم الاول والاخير
قالة لية هو حصل حاجة لا سمح الله ؟
قالة لا ابدا انا بس طلعتلي النداهة
من المية وكانت عايزة تغرقني
في المية
لولا الرجل العجوز الطيب اللي في الكشك
اللي جمبنا هو اللي حماني وخلصني منها
ربنا يكرمة يا رب
فتح عبد الله بقة بذهول
وقالة راجل مييييييييييييييييين ؟؟
قال برهومة الرجل العجوز اللي في الكوخ دة
وشاور على الكوخ اللي بين الزرع
من شباك الكشك لان المعروف ان كشك المحولجي
عالي وبيكشف المنطقة كلها
كان ها يغمى على عبد الله وقال مفيش حد
ساكن في الكوخ دة
يا ابراهيم ؟؟؟
انت متأكد
قالة طبعا دة وصلني لغاية هنا بنفسة وهو
اللي مشى النداهة والا كنت رحت في خبر كان
رد عبدالله وقالة يا عم ابراهيم
الكوخ دة كان ساكن فية حارس ومات من سنتين
من حزنة على بنتة اللي رمت نفسها في المية
لانه عرف عنها انها ماشية مشي مش كويس
ولما جة يواجة بنته جريت منة ورمت نفسها في المية
وما لحقهاش وغرقت ومن يومها
حزن عليها لغاية ما مات من الحزن وهو اللي كان ماسك حراسة
الارض دي كلها ومن يومها محدش سكن ولا حرس الارض
من بعدة ؟؟
ابراهيم قام اخد ولم كل حاجتة
وساب زميلة بدون ولا كلمة
ولسة عبدالله بيسأل ابراهيم
انت متاكد يا ابراهيم انك شفت النداهة وحارس الارض
يا ابراهيم
يا ابراهيم
ما تسبنيش كدة الله يخليك انا بخاف
من ضلي
فضل ينادي علية وابراهيم ماشي في طريقة
وساب عبدالله مرعوب وميت في جلدة
من اللي طلع لابراهيم
وهو بيكلم نفسة
راجل مين اللي طلع لة ؟؟
ودي كانت اول واخر مرة ابراهيم يروح
المكان دة


/
/
/
/
الي هنا انتهت القصة اعزائي المشاهدين
ارجو ان تنال القصة اعجابكم
وفي الاخر القصة دي من خيالي وان كنت
متاثرة في كتابتها ببعض القصص والافلام
ولكن اترك لكم سؤال

هل قصة النداهة قصة حقيقية
ام لا من وجهة نظركم ؟؟؟

اتمنى ان تنال القصة اعجابكم 

بقلم
هادية بطبعى

الى موني حبيبة قلبي

اهداء الى حبيبة قلبي موني 

انسانة رقيقة المشاعر بجد من اول وهلة تراها انسانة 
خفيفة الظل تبتسم دائما برغم مصائب الدنيا وبلاويها
لم تنعم يوما بالراحة منذ بداية زواجها تحملت اشياء غريبة على عادتها وتقاليدها ولكن تحملت وصبرت وتجلدت على الله تسمع كلمة 
شكر او نظرة حب او عطف من اقرب الناس اليها ولكنها لا تتذكر انها سمعت كلمة تقوي قلبها الرقيق المشاعر على الدنيا الغرورة
حقا ما اصعب الحياة بدون حب او تقدير من كل المحيطين بك
رسالة اوجهها الي حبيبتي التي طالما سألت عني واهتمت بي واجابت الي اي مطلب لم يكن في استطاعتي ان البية 
كفاية سؤالها الدائم علي واتذكر هداياها الجميلة لي وانا طفلة 
صغيرة انني لا انس لك اي موقف او ضحكة او حنية فعلتيها معي وانني مهما فعلت لن استطيع ان اوفيها حقها
لا استطيع ان انسى  ضحكتها , ابتسامتها البراقة وعيونها الجميلة والواسعة التي عندما تضحك ترى  انسانة حبوبة رائعة الجمال
تلبي جميع احتياجات البشر بدون ما تذكر المها لمخلوق غير الله
سبحانة وتعالى 
اسال الله رب العرش العظيم ان يقوي ايمانها ويقوي عزيمتها لتخطي محن الدنيا وبلاويها  بسلام
لا تغضبي , لا تحزني , اعلمي ان الله معك وسيظل دائما بجوارك 
برغم الشرور التي تجمعت عليك ولكن انت ذو اصل طيب 
والله لن يخذلك تذكري الجنة ونعيمها وان اي شئ ينكد عليك 
او يضايقك لن يدوم 
الزعل لا يدوم والفرح لا يدوم 
سبحان من لة الدوام 
تقبلي كلماتي البسيطة التي احاول ان اعبر لك عن حبي
العميق واحترامي الشديد لصمودك امام الشدائد 
واهديكي الاغنية الجميلة دي ليكي