صباح الفل

صبـــــــــــــــاح الفل 

اصبحنا واصبح الملك لله ولا اله الا الله

وان محمداً رسول الله 

سبحان الله وبحمده سبحان الله العظيم

استغفرك يا الله واتوب اليك

مساء الخير

مســــــــــــــــاء الخيـــــــــــــــر

على كل اهلي وصديقاتي الحلويين

عايزة اقول كلمتين حلويين

انا بجد بحس ان في صديقات زي اخواتي تمام من غير نفاق ولا مصالح شخصية بيحبوني

لذاتي

لشخصي

لحروفي

وكلماتي

وفيهم اللي ما شفتوش بيعيني ولكن شفتي بقلبي

واحب اقولهم ان القلوب عند بعضها في ناس تعزك من غير ما تشوفك

وناس تهدك من جدورك

بس بجد لما بفكر شوية بلاقي ان نعمة ربنا كبيرة

كلمتين اخر الليل

مســــــــــــــــاء الخيـــــــــــــــر

على كل اهلي وصديقاتي الحلويين

عايزة اقول كلمتين حلويين

انا بجد بحس ان في صديقات زي اخواتي تمام من غير نفاق ولا مصالح شخصية بيحبوني

لذاتي

لشخصي

لحروفي

وكلماتي

وفيهم اللي ما شفتوش بيعيني ولكن شفتي بقلبي

واحب اقولهم ان القلوب عند بعضها في ناس تعزك من غير ما تشوفك

وناس تهدك من جدورك

بس بجد لما بفكر شوية بلاقي ان نعمة ربنا كبيرة

اني احتفظ بالناس الحلوة دي وما اشغلش بالي بالناس الوحشة

او بتوع المصالح

او الالغيرة الشخصية

رايحة على فين يا مصر

بسم الله الرحمن الرحيم

مش عارفة اقول اية ولا اكتب اية غير اني مضايقة جدا

من الاحوال في مصر وكل ما اقول ها تتعدل ترجع تتقندل

رايحة على فين يا مصر

نـــــــــــــــاس كتـــــــــــــــار قاعدينلك

وسدين عليك الباب

عايزينك

تقعدي مستخبيه

وتلبسي طرحه وحجاب

لا عمرك كنتي ضعيفة

ولا عمر هدك كلام

ده انت البلد العريقة

من غير أي كلام

لكن اللي بيحصل دلوقتي

مسخرة بكل المعاني

والشر عمال بيزيد

وانت قاعدة تعاني

ولادك كل يوم بيموتوا

وعمالين يقولوا


هناك اللي بيخرب فيك

اكيد مش حاسس بيك


دة مش ابنك دة اكيد غريب عنك

لا عمرة دمة لمس دمك

ولا قلبة كان على ارضك


عمال يقصقص بناك

ويهد في ايد اللي رعاك

طب نروح وياك

مطرح ما تروحي يا حبيبتي

مش بالكلام مش بالكلام

بس ..........


اه واه من الف بس

ونحط وراها الف خط

دي خطط معمولة

وبأيد ناس مجهولة

متخططة

وفي قلب مصر

متظـــــــــــــــــــــبطة

لكســــــــــــــر مصر


ادعي واقول


من كل قلبـــــــــــــــــــي


المقهـــــــــــــــــــــــــــــــــــــــــور


ربنا يحميك من الشر اللي أذيك

يا مصــــــــــــــــــــــــــــرنا يا غاليه


يا أم الهمم العالية


بقلمي

الوقت بيمر

بسم الله الرحمن الرحيم

النهاردة عايزة اقول برغم ان السنين بتعدي وبتمر

الا اني مع كل دقيقة بتعلم حاجة جديدة وبشوف ناس

جديدة


صحيح فيها الحلو وفيها الوحش بس كلة بيعدي


وما اقدرش اقول غير ان ربنا بيحبني

بجـــــــــــــــــد


لانة بياخد حقي حتى لو الزمن طال


طول ما نيتك سليمة


طول ما قلبك ابيض


ها تلاقي ربك واقف


معاك وجمبك

صباحكم سعيد مع فجر جديد

الوووووووووووووووو انا هنا الوووووووووووووووووووووووووو الله ما قلتلك انا هنا انت مين ؟؟ انا صاحبك انا قلبك انا حياتك انا عمرك انا روحك انا كلك انـــــــــــــــا ضميـــــــــــرك الانساني الله هو انت لسة موجود انا افتكرتك نايم او مسافر اية اللي جابك دلوقتي وجاي تنغص عليه عيشتي لية ؟؟؟ ما انا كنت مش موجود ومريحني جاي عشان تقلقني وتغير عليه عيشتي ما انا كنت راضي ومبسوط والا مش عايزني اعيش براحة ابدا انـــــــــــــــــــــــــــــــــــــــــــــــــــــــــــــا ايوة انــــــــــــــــــــــت مين غيرك يا عم قول كلام من دة انا بس بصيح عليك هو في حد يصبح على حد الفجر اه انا طب لية ؟؟ مش عايز صباحك تمشي خليني انــــــــــــــــــــــــــــام الله طب خلاص انا بس حبيت انبهك لصلاة الفجر اوعى تنسى واديني ماشي وخليك براحتك ؟؟ هو بعد اللي قلتة ها اعرف انـــــــــــــــــــــــــام تاني ما خلاص صحتني اما اقوم واخد الثواب طالما فوقت رسالة بوجهها لكل واحد وواحدة بينام عن صلاة الفجر بقولة اصحى وفوق وخلي ضميرك صاحي ها ترضي ربك وتنعم بهدوء لا قبلة ولا بعدة وصباحكم سعيد

قصص قصيرة بقلمي من واقع حياتنا اليومية او الزوجية

بسم الله الرحمن الرحيم 
 والصلاة والسلام على رسول الله
علية افضل الصلاة والسلام 


الحكاية بتاعتنا النهاردة للاسف موجودة في كل بيت 
موجودة وانا ها احاول على قد ما اقدر اني اعمل لقطات 
فيها على شكل قصص قصيرة 
بطلت قصتنا النهاردة سميحة
وبطل قصتنا اسمة خالد

البداية كانت مع بداية جوازهم كالمعتاد خالد شاف سميحة 
اعجب بيها من أول نظرة وسميحة أعجبت بية هي كمان 
من اول نظرة الشعور كان متبادل من خلال نظراتهم لبعض 
وكان اللقاء الاول في اجتماع لهيئة التدريس لوزارة التربية والتعليم بالادارة 
سال عليها ولاقاها بنت مؤدبة وبنت ناس طيبين 
اتقدم لها ووافقوا علية وحط امكانياتة على امكانيتها  
المهم اتجوزوا والحياة اخدتهم كأي اتنين متجوزين 
هو وهي يروحوا الشغل الصبح ويرجعوا يتغدوا ويناموا 
شوية يصحوا يخرجوا يروحوا يا اما عند اهل خالد اواهل 
سميحة والايام عدت وربنا رزقهم بطفلين واضطرت سميحة تاخد اجازة رعاية طفل وتقعد في البيت وتعالوا نشوف لقطات 
من حياتهم معلش البداية كانت طويلة شوية بس تعالوا نشوف 


ترن  ترن  ترن  ترن 

الجرس بتاع المنبة بيرن وسميحة خخخخخخخخخخخخخخ

نايمة ولا حاسة باي حاجة خالد يا سميييييييييييييحة 

يا سمييييييييييييحة قومي عشان تصحي بنتك لا تتأخر على المدرسة ؟؟

انت مش سامعة المنبة والا اية ؟؟؟

آآآآه حااااضر ها اقوم اهو ........

خخخخخخخخخخخخخ

بعد شوية رن الجرس تاني ترن ترن 

يا سميييييييييييييييييييييحة البنت ها تتأخر 

على الصحيان 

معلش يا خالد اصل أبنك طول الليل ما نيمنيش كان

سخن وتعبان 

لية مالة ؟؟

عندة كحة وبلغم وسخونة ورشح 

امممممم طب ابعدي بنتك عنة لا تلقط ويرقدوا هما

الاتنين واحنا مش ناقصين فاهمة !

هو مش دة نفس الدور اللي كان عندة من اسبوعين ؟؟

ايوة ما انا اديتة وكررت نفس العلاج وربنا يشفية وفصلت بينهم

هو نيمتة هنا على السرير الصغير وهي في اوضتها على سريرها ..........


قامت سميحة جري وصحت بنتها ولبستها وعملت الفطار 

وكل دة وخالد خخخخخخخخخخخخ  نايم 

يا خالد يا خالد 

وخالد مش بيرد دخلت سميحة لاقيتة نايم ورايح في سابع 

نومة ولا كأنة صحاها ولا كلمها ؟؟

يا خالد قوم يا حبيبي عشان تلحق توصل بنتك المدرسة 

وتروح شغلك ؟؟

حاضر الله المستعان امتى ها نخلص من مرواح المدرسة 

كل يوم ......

الله ما كدة كدة ها تصحى عشان تروح شغلك والا ها تقعد في 

يعني ؟؟

خالد قالها آآآآآه ما سيادتك قاعدة في البيت لا شغلة ولا مشغلة 

مريحة تنامي براحتك وتقومي براحتك كلة ماشي وتمام التمام 

تقدري تفهميني انت تعبانة في اية ؟؟

لا ولا اي حاجة فعلا يا مستتني ومهنيني هو انا اقدر افتح بقي 

ابداً انت بس اللي بتشقى وتتعب عشان راحتنا كلنا الله يكون في العون 

ربنا يوفقك الله معك وقوم يا الله لا تتأخر 

ايوة كدة بس عشان تقدري اياك يطمر فيكِ

طمران يا اخويا والنبي هو انا قلت حاجة ربنا يخليك 

ويبارك فيك يا بعلي يا سندي هو انا من غيرك اسوى حاجة

الله انت ها تعددي يا سميحة ؟؟

لا ابداً يا حبيب قلبي هو أنا اقدر 


دا أأأأأأأأأأأأأنا بدعيلك 

وخرج خالد وبنتة وبأ يوم سميحة جوة البيت