نظراتة جذابة

نظراتة لية شدتني 

وبضحكة من عيونة ثبتني 

وبطولة الفارع سجدني 

بصراحة كلك على بعضك 

اغرتني 

بقلمي 

مخلوقة من نصين

ايوة انا مخلوقة من نصين 

نص خير بالفطرة ونص مائل لفعل الخير

نص طيب ونص بيتمرجح على الشطين 

قلبي ابيض ولو دخلت له نقطة سودة 

يشيلها بسرعة ويرجع تاني مالوش 

الا في الخير .

بقلمي 

رمضان كريم

بسم الله الرحمن الرحيم 

رمضــــــــــــان كريــــــــــم
على الحلويين 

رمضــــــــــــان كريــــــــــم 
على الطيبين 

رمضــــــــــــان كريــــــــــم 
على كل المسلمين 

كل سنة وانتم طيبين

اسف

اسف كلمة تتكون من تلت حروف
كلمة صغيرة لكن معناها كبير جدا
اول ما جت في بالي كلمة اسف خلتني افكر .......

هل
كلمة أسف فن .........؟
كلمة اسف ضعف ........؟
كلمة اسف قوية ............؟
كلمة اسف عتية ...............؟
ودة اللي خلاني اوصل ان
كلمة اسف.....
ما يقدرش عليها ناس كتير
ما يقدرش عليها الا اللي يملكها واللي نيتة ديما خير
اللي يقولها قلبة ديما أبيض زي اللبن الحليب
اللي يخاف ديما على زعلك ويتمنالك كل خير .......
قولولي مين فيكم عنده الشجاعة الادبية انة يقول
أسف ديما للغير .....
بقلمي

لما تكون مخنوق تعمل اية ؟

لما تكون مخنوق قوي وقلبك مقبوض
لما تحس ان الدنيا ضاقت عليك ومش عارف تعمل اية ...
لما تحس ان محدش حاسس بكل اللي جواك وانت ديما راسم بسمة على وشك لكن جوه قلبك حزن كبير .....
وكل ما تحاول تعمل حاجة تحس انها
انقلبت في وشك مش بالخير
يا عيني عليك
عمالة الدنيا
(تشيلك وتهبدك )
(وتزقك وتقرفك )
(وتلبك وتهرسك )

على طول ادعي من قلبك
وان شاء الله ربك ها يكرمك

بقلمي

النميمة

يا ترى كام واحد فينا بيتكلم على الغير ؟
لو كل واحد التزم انه يقفل بقة لو حس انة ها يتكلم على حد بكلمة بهمسة غلط سكت كانت الدنيا اتغيرت كتير

بس للاسف محدش سايب حد في حاله والا ما كانش دة بقى حال الدنيا
تعالوا نشوف مثل ....
لما تبقى قاعد في قاعدة مع اتنين اصحابك
وفجأة تلاقيهم جابوا سيرة واحد تالت
وبدأوا بقى وقال الاول للتاني والله يا ابني الواد دة رخم رخامة والا علية بنطلون انما اية ماركة صنع تحت السلم والا فارقة شعرة والا طريقة كلامة جنان والا والا والا وهات يا تقطيع في فروتة بزمتك لو سمعت الكلام دة وسكت تبقى بتشاركهم في انك اغتبتة وجبت سيرتة معاهم زيك زيهم والا لاء ؟
والا تحاول توقفهم وتقولهم ابسط حاجة صلوا بينا على النبي وبلاش الكلام دة
للاسف كام واحد فينا بيتعرض للموقف دة وبيبقى سلبي وبيسمع وبس حتى لو ما اشتركش في كلامهم وفضل ساكت .
لازم تقف وقفة مع نفسك وتقول لاء !!!

احفظ سيرة الاخرين قبل ما سيرتك تبقى على كل لسان .

كلمتين وبس
بقلمي

حبيبتي يا مصر

حبيبتي يا مصر
حبيبتي وها تفضلي طول عمرك حبيبتي

انا بعشقك بكل ما فيكي
وبطيبة قلبك اللي بتحليكي

لا عمري هانسى ملامحك
ولا ناسك و شوارعك

اشتقت لبحورك ولنيلك وطيورك

وبقلبي بدعيلك
ربي يحفظلك نيلك

ويرحم ابنائك
ويهزملك اعدائك

ويوحد صفوفك
ويحشد جيوشك

ضد العدو الغدار
الخفي الجبار

اللي بيهدد بيوتك
وبيكسر حدودك

يا رب يا ذي الجلال والاكرام
احفظ مصرنا التي ذكرت في القرآن

بقلمي