جرب مرة

جرب مرة

 

جرب مرة تحي بألم الناس

 

اوعى تبعد وتطنش وخلاص

 

اوعى يغرك شكلك جسمك قول أنا الاساس

 

 

وكل اللي يجي بعدي ينداس

 

 

بقلمي  

 



حوار بيني وبين شيطاني

بسم الله الرحمن الرحيم

حوار بيني وبين شيطاني

اكتشفت وانا بصلي ان في صوت بيكلمني

في ودني الشمال لية ما اعرفش ما كنتش بهتم

قلت دة اكيد شيطان الصلاة اللي اسمة خنذب

وكنت بحاول اركز في صلاتي

لغاية ما قلت انا لازم اعرف اية الصوت دة وبيقولي اية

مرة ف مرة عرفت

كان في مرة وانا مركزة قوي في صلاتي

ولادي دخلوا عليه وقعدوا يضربوا بعض

وانا بحاول اركز وما انتبهش لهم

واركز اكتر واكتر

لغاية ما قالي الصوت اطلعي من صلاتك وريهم

العين الحمرا  اضربيهم  قطعيهم انت ساكتة لية

شايفة بيعملوا اية ولما ما طلعتش من صلاتي

وبردوا كنت بصلي الصوت قالي خلاص انا هاوريكِ

انا ها اعمل فيهم اية ؟؟

بصي عليهم بصي قوي كمان طبعا ما بصتش

سمعت ان ولادي بدأوا يضربوا بعض

ويطحنوا بعض بكل الوسائل الممكنة

قالي شفتي عملوا اية انا عايزك اول ما تخلصي

تموتيهم ضرب ما تسيبهمش

ما خلكويش تصلي وتخلصي في صلاتك

انا خلصت صلاتي وقمت استغفرت ربنا

وقلت اعوذ بالله من الشيطان الرجيم

وجبت ولادي خلتهم دخلوا اتوضوا

وجم ليه جري عشان اقولهم ازاي ان الشيطان

خلاني ما عرفتش اركز في الصلاة بسببهم

واننا لازم نصلي جماعة ومن يومها

بدأنا ولله الحمد نصلي كلنا جماعة كل الفروض

ورجعت عدت الصلاة مرة تانية

بس المرة دي جماعة ومع اولادي

يا ريت اقدر اتغلب على شيطاني

اعوذ بالله من الشيطان الرجيم 

بقلمي 

ساعات

ساعات بقعد مع نفسي الاقي نفسي بعيدة 

وساعات القى نفسي غريبة 

وساعات افكر في موقف اتكرر الاقيني شايفة نفسي عنيدة 

وساعات الاقي احوال تخليني تعيسة 

وساعات الفرحة تبقى ملياني والدنيا مش سيعاني من اي حاجة بسيطة 

اه يا نفسي يا اللي مش راسية على بر وكلك على بعضك بقيتي عجيبة 

بقلمي

الوصية الاخيرة

الوصية الاخيرة 

السلام ختام على احلى الانام 

بكتب وصية واعتبروها منسية 

لو جت سيرتي بينكم اوعوا تنسوني 

بدعوة حلوة منكم 

وان كنت في يوم قسيت على حد فيكم 

سامحوني الله يخليكم 

وان كنت سهوا غلطت في حد فيكم 

حقكم عليه وعيني ليكم 

بقلمي 

انا هو انا مفيش مني اتنين

انا هو انا مفيش مني اتنين 

لا عمري رسمت نفسي ولا كان لية وشين

كل الحكاية كلمة حلوة بتتقال بين اتنين 

وبحاول رسم بسمة جميلة على الوجنتين 

ببساطة كدة انا بسيطة جدا والله 

وماليس في اللعب ع الونجين 

بقلمي 

بعتب عليك

بعتب عليك ما بقتش بتعاملني زي زمان 

ما بقاش حبك ليه واخد كل الاهتمام 

حسيت بفتور في شعورك وقلبي بيك ولهان 

عذري الوحيد اني بصبر نفسي على بعدك لية بمشاغل الدنيا اللي لهياك

وامسح خطوط دمعي واللي سالت على وجهي بذكريات كانت رائعة في يوم من الايام 

بعتب عليك 

سيبت الزمن يمشي بينا والايام 

فجأة لاقيت نفسي ضاع العمر بينا والاحلام 

ارجع احاول افتكر كلمة حلوة قولتهالي زمان بس خسارة ع الحب 

وليالي عشتها في عز وامتنان 

بعتب عليك 

بقلمي 

نفسي تعبانة

نفسي تعبانة ومش قادرة تتحمل 

من ضغط الحياة ومش قادرة اكمل 

كلي احلام ان عيشتي تتعدل 

وارجع تمام وما افكرش ودماغي تنمل 

بحسبة بسيطة هاريح مخي 

من اي هم واقعد اتامل 

بقلمي