الجمعة، 13 يونيو 2014

أول ما شفتها

أول ما شفتها
 
 
 
أول ما شفتها حسيت برجاحة عقلها
 
 
أول ما شفتها لمحت ضحكة
 
حلوة في وشها
 
أول ما شفتها كلمتني كأني من أهلها
 
واستضافتني من قلبها
 
وحسيت بجد كأني أختها
 
أول ما شفتها لمست كل حاجة
 
حلوة بتقدمها ليه من عندها
 
يا ترى عرفتوا هي تبقى مين
 
 
بقلمي

مرسلة بواسطة في ليست هناك تعليقات:

مناجاة ربي

سجدت لرب العزة والملكوت
 
وطلبت كل طلباتي بسكوت
 
فهو يعلم في قلبي وأتمتم به
 
في خفوت
 
فوالله أنا لا يوجد لي غيرك
 
وأنت مالك الحياة والموت  
مرسلة بواسطة في ليست هناك تعليقات:

أوقات

أوقــــــــــــات
 
أوقات بتسكت وبيجيلك خرس لما ما بتكونش خلاص
 
فارق معاك حاجة
 
أوقات بتسكت لما تحس إن شريك عمرك ما عنتش فارق معاه
 
ف حاجة
 
أوقات بتسكت لما الدنيا تكتم  شعورك
 
وتسلب حقوقك كل يوم منك حاجة في حاجة
 
أوقات بتسكت لما تنصدم في أقرب الناس ليك
 
لما تكتشف إنك بالنسبة لهم بقيت ولا حاجة
 
فعشان خاطر ربنا أصبر وإحتسب الأجر وخلي
 
ثقتك كبيرة ف ربك اللي بيديك كل شئ
 
ومش منتظر منك أي حاجة
 
بقلمي
مرسلة بواسطة في ليست هناك تعليقات:

أسأليني

أسأليني
 
أسأليني عن حكاوي السهرانين
 
اللي فضلوا من غير عشا بقالهم سنين
 
واللي بيناموا م الالم تعبانين
 
وأيدهم على خدهم قلقانين
 
دول يا سيدي الغلابة اللي مش ظاهرين
 
تحت الكباري متنطورين
 
اقصى حلم انهم ياكلوا أي حاجة
 
ويناموا مستوريين
 
أسأليني عن حلم 10مليون مصري
 
اللي فيهم عايش ودايخ واللي فيهم
 
ماشي يا عين امه ومش شايف
 
واللي بيحلم ف يوم يبقى في عدل ومش خايف
 
 
أسأليني عن حلم كل متغرب وانه نفسه
 
ف يوم يرجع لبلده ويقرب
 
أسأليني عن أحلام الشباب
 
واقصى مناهم يعيشوا ف حرية مش عذاب
 
أسأليني
 
بقلمي
مرسلة بواسطة في ليست هناك تعليقات:

خاطرة

 إذا علمت أن آلامك تشتد وتشتد
 
وأوجاعك تكثر عليك وتحتد
 
فأفرح فإن ربك يحبك
 
والفرج آت بلاشك
 
بقلمي
مرسلة بواسطة في ليست هناك تعليقات:

تحيا مصر

سرحت كتير في أحوالها
 
وسألت نفسي أنا ليه مين غيرها
 
ومهما بعدت عن نيلها
 
ومهما حنيت لشوارعها
 
دي مصر دي هبة النيل
 
قريت عن حروبها ونضالها
 
وعيشت جوة تفاصيلها
 
وعاشرت ناسها وقصصها
 
دي مصر كانت زمان بصراحة أحلى كتـــــــــــير
 
ومهما حكيت وكتبت
 
ومهما سرحت وبعدت
 
ومهما قربت وفهمت
 
وشوفت فيها وعرفت
 
إن شعب مصر ها يبقى بخيـــــــــــر
 
 
بقلمي 
مرسلة بواسطة في ليست هناك تعليقات:

نفسي

نفسي امشي من سكات
 
نفسي أعيد اللي فات
 
بس يا خسارة  لا الزمن بيرجع
 
ولا أقدر أصحي جوايا
 
كل اللي مـــــــــــــــــــات
 
 
بقلمي 
مرسلة بواسطة في ليست هناك تعليقات:
الاشتراك في: الرسائل (Atom)