مشاعرنا مش ملكنا
وكل دقة في قلبنا
وكل ضحكة على وشنا
وكل كلمة بنقولها لغيرنا ولنفسنا
بس الأهم انها بجد إحساس صادق نابع مننا
بقلمي
الجمعة، 13 يونيو 2014
أبي وأمي
أنا جسمي عبارة عن قلب أمي وحنانها
وطيبة عملها وإحساسها
وفكري وتخطيطي وعلمي وتفسيري من حبيب قلبي وعيني أبي
اللي علمة بيجري في شرايني
وحكمه رأية بتخليني أمشي في
دنيتي وتهديني
لكل طريق سليم في كل أمور دنيتي وديني
بقلمي
الوقت بيسرقنا
الوقت بيسرقنا واحنا مش حاسيين
وبيجري مع العمر واحنا غفلانيين
والدنيا لاهيانا بحاجات مش نفعانا
ويوم بيعدي زي الف واحنا لا بنشوف ولا بنحس
انها أيام معدودة مربوطة ومشدودة فحبل ومعقودة
فخاف من يوم حسابك وأعمل له الف حساب وحساب
يوم ما يتقفل عليك الباب وتكون لوحدك بدون أحباب وتبدأ حكايتك
من يوم ما كانت بدايتك ساعتها بس ها تكون نهايتك
والشاطر اللي عمل حسابة وكسب حسنات من ساعة ما عرف إن بدايتة
حتماً ها توصله لنهايته
بقلمي
خاطرة
في ناس بتعشق السكوت
وناس من كتر الكلام تموت
وناس عينيها مليانة حتى لو نامت جعانة
وناس مهما كان عندها ها تفضل مش شبعانة
بقلمي
بحبك يا عمتي
بحبك قد عدد قطرات المطر
بحبك قد الليل وعدد حبات الرمل وورق الشجر
بحبك وبحب ضحكة وشك اللي زي القمر
وحشتيني قوي ياعمتي الجميلة الصغيرة وأنتِ أم الكرم
بقلمي
بحبك قد الليل وعدد حبات الرمل وورق الشجر
بحبك وبحب ضحكة وشك اللي زي القمر
وحشتيني قوي ياعمتي الجميلة الصغيرة وأنتِ أم الكرم
بقلمي
أمي
أمي
أنتَ الطيبة والحنان
وكل حاجة حلوة عرفتها زمان
أمي هي ينبوع الامان وتذكرتي لدخزل الجنة بدون كلام
أنتَ أصلي وكياني وفرحي وآلامي
أتمنالك يا أمي أنك تفرحي وتتهني
وتعيشي وتتمني وأكبر وأبقالك سندك ودراعك
بقلمي
ضحكتي
ضحكتي راحت مني
بدور عليها واتاريها ضاعت مني
بمد ايدي أحاول أمسكها بس للأسف هربت مني
آه يانا يا مني ها تتصالحي معايا امتى وما تشتكيش مني
بقلمي
الاشتراك في:
الرسائل (Atom)