النظرة الاولى بقلمي ( قصة طويلة )

بسم الله الرحمن الرحيم 

المشهد الاول 

بنوتة امورة شعرها ناعم حرير وعنيها واسعين وقصيرة وبيضاء وجميلة 

ورقيقة قوي ومشاعرها مرهفة ليها صداقات كتير وصحبات اية 

وكانت مشهورة بهدوء غير عادي ورقة ملهاش حل .....

كانت بتروح مدرستها وتمارس هوايتها المفضلة الموسيقى والعزف اللي هو روحها وحياتها كله فيه 

كانت شاطرة بتذاكر دورسها من غير قلق ولا مشاكل في هدوء كالمعتاد 

كانت حبيبه باباها وعين امها 

كانت الطفلة المدللة بس مش معنى كدة انها مدلعة لاء ابدا 

كانت بتفهم باباها بسرعة وبتقدر الوحيدة عليه لما كان بيرجع من شغله مضايق او زعلان او قرفان كانت بكل هدوء بتدخل تكلمة تمسح عنه كل هموم الدنيا وتنسية المشاكل والهموم ويطلع ياكل معاها بدون ما يكون شايل هم 

وهو كالعادة اب زي كل الآباء بيحب بيته جدا واسرته فوق المعتاد 

وبيحاول يسعدهم على قد ما يقدر بكل ما يملك من حب وحنان ورعاية وتوفير متطلبات الحياة الاساسية والرفاهية 

بطله قصتنا اسمها اروى  

هي بنوتة في الثانوية العامة  بتحلم تبقى موسيقارة كبيرة وليها اسم وفن معروف كانت بتحارب في المذاكرة عشان كل همها تحقق حلمها اللي هو جزء من حياتها (الموسيقى )

نجحت اروى ودخلت كلية التربية الموسيقية وكانت في منتهى السعادة 

انها دخلت الكلية اللي نفسها كانت فيها وطبعا الكل كان سعيد وفرحان ان اروى دخلت الكلية اللي كانت بتتمناها 

تمر الايام الاولى لها في الكلية وهي قاعدة منتظرة في قاعة المحاضرات بدأت تلاحظ ان في زميل لها كل ما تقعد في صف يجي يقعد قصادها ويفضل يبص لها من تحت لتحت في الاول ما شغلتش بالها بيه وقالت يمكن بيبص عادي لغاية ما في يوم وهي قاعدة في الكافيتريا جت واحدة زميلتها 

وقالت لها عارفة زميلنا وحيد  

اه عارفاة مالة ؟؟؟

كان عايز يتعرف عليكِ اكتر 

مش فاهمة يعني اية ؟؟؟؟ ممكن توضحي شوية كلامك اصلة مش مريحني 

لاء لاء لاء اوعي تفتكري حاجة غلط هو شايف انك شاطرة في مادة اصول الموسيقى ما شاء الله عليكِ وعايز منك ملخصاتك اللي بتعمليها لما عرف مني انك عاملة شرح مبسط وسهل في المادة دي بالذات اوك مفيش مشاكل 

حاضر ها اصور نسخة لة وانت ابقي اديهالة عشان انا مليش كلام مع اي زميل 

ماشي يا عم الجامد انت ولا يهمك صوري نسخه وانا اديهالة خلي الدور دة عليه 

اوك يا نسمة حاضر لما اصورها هاقولك 

اوك يا اروى ها ابلغه بانك موافقة انك تديله نسخه من الملخصات 

ماشي يا ستي اهو كلة بثوابة ولله ها اقول اية انا ما اقدرش اتأخر عن مساعدة حد 

اوك اسيبك يا اروى دلوقتي عشان ورايا مشوار قبل ما السكشن التاني يبدأ 

اوك سلام مؤقت 

الى هنا ينتهي المشهد الاول

بقلمي 

       

  

المشهد الثاني

بسم الله الرحمن الرحيم

مع الايام بدأت اروى تلفت انتباه كل محاضريها  بذكائها الغير عادي والاستيعاب السريع لدروسها وكل محاضراتها وخصوصا العملي والسكاشن كانت بارعة فيهم

وبالتالي كل زميلتها وزملائها كانوا نفسهم يقربوا منها عشان يستفادوا منها من ملخصاتها او شرحها المبسط لبعض المواد الصعبة

او حتى العملي في مادة البيانو

لغاية ما جة يوم مش ها يتكرر وفضل عامل علامة في حياة اروى

يا ترى اية اللي حصل ؟؟؟

كانت اروى قاعدة لوحدها في مكتبة الكلية لان كان في ساعتين فرق بين المحاضرة الاولى والتانية وقالت لما ادخل المكتبة ادور على مراجع للبحث اللي طلباه الدكتورة منى مننا واهو الوقت يعدي في حاجة مفيدة

دخلت تدور بين صفوف المكتبة لغاية ما لاقت مرجع مهم ولسة ها تحط ايدها عليه قام جة واحد في نفس الوقت وحط  ايدة على الكتاب فأطراف أصابعة  لمست ايدها جسمها اتقشعر مرة واحدة ورمت الكتاب واتنفضت قامت رافعة نظرها عشان تشوف مين دة اللي كان عايز ياخد الكتاب وتسبب ان الكتاب وقع على الارض

لقت شاب وسيم وعينة خضراء وعليها اطار عسلي رائع سبحان من ابدعه وشعرة كستنائي ولة شنب اصفر وطويل بشرتة بيضاء مائلة للحمرة

تنحنح وقام بسرعة واعتذر لها بعد ما مد ايدة واخد المرجع من على الارض

كل الموقف دة مر على اروى كأنة وقت طويل وتنبهت للموقف واحمرت وجنتاها بشدة من الخجل

قالها انا آسف آنسة .....

ردت بصوت مرتبك اروى في اعدادي تربية موسيقية وحضرتك

انا أحمد معايا الماجستير وبحضر للدكتوراة ولسة منقول للكلية من كام يوم بس

اهلا وسهلا اتشرفت بحضرتك استاذ احمد

اهلا اروى وارجو ما اكونش ضيعت عليكِ

فرصة المرجع اتفضلي ومد ايدة بالكتاب قالت خلاص هادور على واحد تاني مفيش مشكلة

لاء مش ها تلاقي دة النسخة الوحيدة اللي موجودة وانا جاي له مخصوص وانا بعد ما تخلصي ها ادخدة مفيش مشكلة

شكرتة واخدت المرجع منة وراحت قعدت على طاولة لوحدها وفتحت الكتاب ولكن للاسف ما عرفتش تركز اساسا في اي كلمة فضل الموقف ومنظر عينية معلق معاها لغاية ما قررت تروح تديلة المرجع وتبقى تاخدة يوم تاني طالما فكرها شارد

اخدت الكتاب وراحت لغاية طاولتة وقالت استاذ أحمد قام رافع راسة لها وبص لها بصة جذابة كحت كحة خفيفة عشان تداري كسوفها وخجلها اتفضل

الله لحقتي تخلصية بالسرعة دي ؟؟؟؟

بصراحة لاء بس لازم امشي دلوقتي عشان عندي محاضرة كمان شوية وان شاء الله ها اخدة بكرة استكمل الباقي

خلاص ربنا يوفقك وعموما لو احتجتي حاجة انا موجود تحت امرك مرسي الف شكر السلام عليكم

وعليكم السلام ورحمه الله وبركاته        فضلت اروى لآخر اليوم وهي مش مركزة وشاردة بتفكر في الموقف الغريب اللي حصل واية سر القشعريرة واللخبطة اللي حصلت لها النهاردة

روحت اروى البيت وما عرفتش تنام بهدوء في اليوم دة بس قالت لنفسها الله عادي زي ما يكون موقف زي اي موقف بيحصل لأي انسان

وبعد محاولات مضنية نامت اروى بعد وقت طويل

والى هنا ينتهي المشهد الثاني ارجو ان ينال اعجابكم

المشهد الثالث 

بسم الله الرحمن الرحيم 

صبــــــــاح الخـــــــير على الحلويين اللي لسة نايمين

اممممم صباح الفل يا ماما  لية هي الساعة كام بالضبط 

الساعة يا ستي سبعة الصبح مالك موخمة لية النهاردة كدة مش على عادتك انا قولت ادخل اصحيكي اشوف ها تروحي الكلية والا لا ؟

اه يا ماما بس ما كنتش عارفة انام امبارح ونمت متأخر وكويس انك صحتيني 

يا دوبك الحق المحاضرة الساعة عشرة والحمد لله انها متأخرة النهاردة والا كانت ها تروح عليه 

طب يا بنتي شدي حيلك عقبال ما احضر الفطار تكوني لبستي 

حاضر يا ست الكل 

صحيت اروى وفطرت حاجة خفيفة بعد ما لبست هدوم هادية جدا عبارة عن  بنطلون جينز بلو بلاك وكوتشي بلاك وبلوزة طويلة روز وطرحة مكس روز في بلو بلاك

كان منظرها جميل واخدت الاكلسير بتاعها وفيه كل اوراقها وراحت كليتها بعد ما مامتها دعت لها بالتوفيق وان ربنا يجعل يومها احلى من الايام اللي فاتت ويوقف لها ولاد الحلال 

وصلت الكلية اروى ولقت حركة غير عادية في الكلية بين زميلاتها وزملائها سألت   نسمة هو في اية النهاردة في الكلية غير عادي 

الله انت لسة جاية غريبة انك تتأخري دة انت اول واحدة بتوصلي الكلية كلها هههههههه

معلش اصل راحت عليه نومة 

اه يا عم الموس تلاقيكي قاعدة طول الليل تراجعي وتذاكري بركاتك يا اروى هههههههه

لا والله مش زي ما انتِ فاكرة انا كنت تعبانة امبارح شوية وما نمتش على طول 

خلاص ما تزعليش يا ستي انا بقر بس عليكِ مش بحسدك هههههههه

بطلي الهزار دة  يا نسمة وقولي بسرعة في اية ؟؟؟؟

حاضر حاضر بس من غير زق دة يا ستي في حركة ترقيات جديدة وتنقلات بين الاساتذة بين جامعة حلوان وعين شمس واهو ربنا اخد دكتور عبد الحفيظ ومشي الله لا يورينا وشة مرة تانية 

لية بس يا  بنتي دة كان دكتور ممتاز في مادتة 

 يا شيخة خلية يروح مع الف ستين ...

قصدي سلامة دة كان عليه حته تكشيرة تقطع الخميرة من البيت تقوليلي شاطر تعمل اية الشطارة في الوش العكر 

والله انت ظالماة دة كان راجل محترم وبيعرف يشرح كويس ربنا يستر مين ها يجي مكانة 

الله اعلم يا اروى ها نشوف بس باين ان اليوم النهادرة انضرب يعني مفيش محاضرات ولا سكاشن 

طب خلاص تعالى نروح المكتبة عشان نلحق نخلص البحث بتاع دكتورة منى 

لا يا ستي لسة بدري روحي لوحدك انا عايزة اقعد حبة في الكافتريا سبنالك انت المذاكرة والتفوق انا اخري اخد الشهادة واقعد في بيتنا واستنى ابن الحلال واتستت واتهنى هههههههه

شوفي يا نسمة طول ما فكرك كدة عمرك ما ها تتقدمي ابدا طب حتى عشان مستقبلك ومستقبل اولادك 

يا ستي مش لما ابقى اتجوز واخلف وعموما ما تخافيش هاابقى اجيب مدرسيين يشرحوا لهم وخلاص هو انا ناقصة وجع قلب 

خلاص كل مرة تسيبيني اروح لوحدي ما ترجعيش تعيطي لي وتقولي الحقيني ما لحقتش اعمل البحث ولا هاسأل فيكِ

دة تهديد بقى ؟؟

ايون تهديد صريح تعالى معايا مش ها تخسري بدل ما تقفي في الكافتريا تضيعي وقتك ويا ستي ها اعزمك على الفطار سندويتشات همبرجر وحاجة ساقعة جامبو 

اذا كان كدة ماشي بس دي تبقى رشوة 

 ههههههههههه اعتبريها هدية عزومة بس بلاش رشوة ماشي يا ستي تعالي نروح امري لله 

دخلوا المكتبة وبسرعة اروى راحت على مكان المرجع المطلوب عمالة تدور وتدور وبعصبية اروى قالت مش لاقياة 

هو اية اللي مش لاقياة 

المرجع يا ذكية ...

طب نشوف غيرة 

ما هو مفيش غيرة للاسف دة النسخة الوحيدة هنا 

خلاص نمشي ونروح ندور على كتاب تاني 

ما ينفعش دة المرجع الاساسي 

استني ها اروح اسال عليه ؟

هو مين دة 

الكتااااااااااااب يا نسمة   

هههههههه والله عقبال ما نتخرج ها يكون مخك اتلحس من كتر الكتب 

السلام عليكم 

وعليكم السلام 

من فضلك اسم المرجع دة كان موجود من يومين والنهاردة جيت مش لاقياة 

ثواني اشوف كشف الاستعارة يمكن يكون في حد واخدة 

اوك 

ايوة الكتاب واخدة الاستاذ احمد عبد الله 

طب ها يرجعة امتي 

والله المفروض انة واخدة لمدة اسبوع   

طب ممكن الاقي نسخة تانية منة في مكان تاني للاسف لا دة النسخة المتوفرة الموجودة دلوقتي 

طب شكرا 

تعالى يا نسمة انت فقرتي فيها اهو انا كان نفسي اخلص البحث بدري كدة غصب عني ها استنى لما اللي واخد الكتاب يرجعة 

احسن حاجة عملها والله انا ما كنتش راضية اننا ندخل المكتبة هو في حد يلاقي يوم فاضي ويقعد يذاكر دة والله انا امي دعيالي هههههههه

ايوة ما انت عايزة نقعد فاضيين لا شغلة ولا مشغلة دة حتى مخ الواحد يقف 

يا ساتر عليكِ انت كدة ديما مش بقول ابلة نظيرة ومحدش مصدقني 

طب ياالا امشي بدل ما يطردونا من المكتبة لعدم الازعاج 

         اول ما طلعوا من المكتبة نسمة راحت شادة اروى على الكافيتريا 

   وراحوا يفطروا 

المشهد الرابع

في الكافتيريا شافت اروى بقية زميلاتها

 شافت شاهيناز وميار ومايا و اسماء وولاء وهما متجمعين وبيفطروا 

راحت هي ونسمة يتجمعوا لهم فجأة 

شافت اروى احمد وهو بيضحك وماسك حاجة ساقعة في ايدة بيشربها كان مع الجروب 

اروى اتلخبطت وهي مش عارفة لية 

فجأة لاقت نسمة بتسلم عليه وعلى مي 

وعرفت اروى عليهم استاذ احمد وانت طبعا عارفة مي ايوة احمد ازيك يا اروى صح اه الحمد لله ...

مي هو انت تعرف اروى 

اه قابلتها في المكتبة واتشرفت بمعرفتها كنا يا ستي عايزين نفس المرجع 

اكيد يا احمد امال ها تشوف اروى فين غير في المكتبة دي بقى الموس بتاعة الشلة 

لاحظت اروى ان  مي بتكلم احمد بحرية زيادة دون عن الاخرين 

ميلت نسمة عليها وقالت انت تعرفي احمد يا اروبة ههههه لا ابدا قابلتة في المكتبة هو دة اللي كان واخد المرجع 

الحمد لله انة اخدة كان زمانا مرزوعين في المكتبة يا شيخة دة يستاهل حاجة حلوة هههههههههه

انت عارفة ان هو ومي مخطوبين 

بجد لا وانا ها اعرف منين انا مش صديقة لمي بس انا مش شايفة مي لابسة دهب يعني 

اه ما هما لابسين دبل بس وبيجهزوا شقة احمد 

اممممم ربنا يوفقهم 

عقبالنا يا رب 

يا شيخة فكري نتخرج الاول وبعد كدة نعمل اللي احنا عايزينة 

ماشي يا ستي ربنا يوعدني انا بعريس لقطة 

يا رب 

اقولك يا رب نتجوز اتنين اصحاب ونسكن جمب بعض وما تبعديش عني ابدا 

الله اية الدعوة الغريبة دي يا نسمة 

اصلي بحبك يا ستي ومش عايزة ابعد عنك فبدعي اية في حاجة 

لا يا ستي مفيش ادعي براحتك

في اليوم دة رجعت اروى البيت وهي بتفكر اية اللي خلاها تضايق لما عرفت ان احمد خاطب مي وانهم ها يتجوزوا مع انها عمرها ما فكرت في الارتباط ولا اي حاجة كل هما مذاكرتها وبس ومفيش اي حاجة تانية تقدر تاخد الاهمية عندها قد مستقبلها واللي مخططة له 

قامت عزفت على الجيتار موسيقى سلو 

طلعت كل همها فية وبدأت تذاكر 

وطلعت كل الافكار من دماغها 

وتاني يوم راحت الجامعة وحضرت كل محاضراتها وبعد المحاضرة الاولى وهي واقفة مع شلة البنات ميار ونسمة وشاهيناز واسماء وولاء لقت وحيد بينادي عليها انسة اروى

حضرتك بتناديني انا 

ايوة لو سمحتي ممكن دقيقة 

ايوة في حاجة 

الورق اللي حضرتك صورتية بس في كام حاجة عايزة بس افهمها منك 

البنات واقفين جمبها سامعين 

خير انا اظن ان الورق واضح ومفهوم

لا بس  انا حبيت اقولك اني لاقيت ورقك وعليه اسمك مع كل الدفعة تقريبا 

اية مع كل الدفعة ازاي ؟؟؟؟؟

ايوة والدكتور رفعت شدد ان اللي مش ها يحضر محاضراتة ها يشيل المادة وخصوصا انة بيقول حاجات مش بتيجي في الكتب يعني لازم نحضر ونكتب وراه

اروى اضايقت قوي وبان على وجنتيها الاحمرار 

وقالت يعني اية المطلوب 

انا جيت انبهك لا تحصل لك مشكلة والا حاجة او الدكتور رفعت يقول انك بتعملي مخلصات وتبيعيها تقومي تشيلي مادتة 

استغفر الله العظيم يا رب هو انا بعمل خير يتقلب عليه شر عموما اشكرك في حاجة تانية 

لا ابدا مفيش انا حبيت اقولك لاني كنت واثق انك ما تعرفيش 

وخصوصا انك كاتبة اسمك ثلاثي على الورق يعني اي واحد ها يصور الورق ها يلاقي اسمك عليه

اشكرك مرة تانية 

بعد اذنك ....

اتفضل 

خير يا اروى الواد دة عمل فيكي اية 

ومالك وشك جاب الوان كدة لية 

لا ابدا مين فيكوا ادت الورق لحد اللي انا ملخصاة حد فيكوا صور الورق اللي فية الملخصات واداه لحد 

لا ابدا احنا بناخد الورق منك ونذاكرة على طول وبعدين وحيد كان بيقولك اية 

سيبوني في حالي لما اشوف حل لمشكلتي 

شاهيناز مشكلة اية بس قولي يا اروى هو احنا مش اصحاب والا لا ؟؟؟؟

باختصار الورق بتاعي اتوزع على الدفعة كلها ووحيد جة يقولي كدة وان الدكتور ممكن يشيلني المادة لان الورق لو وقع تحت ايدة ها تبقى مصيبة كبيرة 

وها يقول اني بعمل ملخصات بالفلوس ومحدش يشتري كتابة عرفتوا كلكم اية اللي  كان وحيد جاي يقولة لية 

اممممممممم طب والحل اية 

خلاص انا لاقيت الحل وهانفذة حالا 

ومشيت اروى بعد ما قالت الجملة دي 

نسمة جريت عليها وبقية البنات رايحة فين يا بنتي 

رايحة للدكتور رفعت بنفسي عشان اتكلم معاه ومعايا نسخة من الورق عشان اشوف اللي ممكن اعملة بدل ما اقعد والاقي التقدير راح واني شايلة مادتة طب خدينا معاكي 

لاء ها اروح لوحدي 

تك تك تك 

حضرتك فاضي دقيقة 

ايوة تعالي يا اروى 

دكتور رفعت عايزة حضرتك دقيقتين 

ممكن ؟؟؟؟

اتفضلي اقعدي 

بعد اذنك ممكن حضرتك تلقي نظرة على الورق دة 

يخص اية الورق دة 

يخصني انت حضرتك عارف انا مش بضيع اي محاضرة لحضرتك واني بكتب وراك كل كلمة وبعد كدة ببيض المحاضرات في ورق وديما بكتب اسمي على الورق 

بس لاقيت ان ورقي دة اتوزع على الدفعة كلها ازاي ما اعرفش ....

وانا مضايقة جدا انا لو عملت ورق بيبقى خاص بية وبزميلاتي البنات 

رد دكتور رفعت ايوة عارف شلة البنات بس بصراحة انت اشطر واحدة فيهم وانا ملاحظ نشاطك الغير عادي ومش انا بس كمان باقي الاستاذة 

بصراحة انا عمري ما فكرت اني اربح من الورق دة كل الحكاية اني اساعد نفسي وزملائي بس 

خير ولا يهمك وريني كدة الورق 

اتفضل حضرتك 

على فكرة الورق عايز شوية تضبيط بسيط اقعدي 

مسك الدكتور القلم وقعد يزود ويحذف حاجات وبعد ما خلص قالي كدة الورق جاهز للاختبار واي حد ها يكتب غير كدة انا مش هابص في ورقة اساسا ولا يهمك خلي اللي صور ورقك يشبع بية 

هي دي النسخة الاساسية واتمنى لك التوفيق والتفوق ديما انت طالبة ممتازة ومميزة 

اشكرك يا دكتور دي شهادة اعتز بيها 

عن اذنك اتفضل ولو في اي حاجة ابقي تعالي لو حاجة مش فهماها او اي حاجة تانية حاضر يا دكتور 

انا عاجزة عن شكر حضرتك 

السلام عليكم 

وعليكم السلام 

 طلعت اروى من غرفة الدكتور رفعت مبسوطة البنات جري عليها 

ها عملتي اية يا بنتي جوة كل دة تاخير 

عملت كل خير الحمد لله عشان انا طيبة بس شوفوا هو ضبط حاجات في الورق شطب حاجات وزود حاجات طبعا ها تدينا الورق الجديد مش كدة يا قطة هههههههه

لاء مش كدة خلي اللي ادة الورق تنفعكم 

لا لا لا انت اتغيرتي كل دة عشان شوية ورق 

الله يعني اروح في داهية وانتوا السبب عمالين تصوروا لكل واحد وكل من هب ودب وفي الاخر انا اللي اشيل المادة والا اية؟؟

ما تخليش قلبك اسود نسمة قالت بسرعة وبتضحك انت طيبة يا اروى 

تعالي نجيب لك حاجة ساقعة 

وبعدين نروح مشي تعالي مين ها يجي معانا 

كلنا طبعا في نفس واحد البنات ردوا 

يالا النهاردة يوم المشي العالمي دة احنا ها نتقطع ههههههههههه

يالا بينا 

الى هنا ينتهي المشهد الرابع اتمنى يعجبكم 

 

                    

                        

المشهد الخامس

صباح الفل يا اروى صباح الفل يا محمد ها اخبارك اية والكلية عاملة معاك اية

مطلعة عيني بس اقول اية الحمد لله وانتِ بقى

انا تمام

بقولك انا عامل رحلة تحبي تطلعي فيها دي رايحة فين ؟؟

رايحة راس سدر وهي رحلة ضيقة فقلت  اذا كنتي تحبي تجيبي حد معاكِ من صحباتك والا لا ؟

  هاشوف واقولك وعلى فكرة دي سعرها كويس

اه انا مش عايز اكسب منها انا عاملها عشان نغير جو طب هاسأل صحباتي واقولك

عندك سكاشن النهاردة

ايوة يا محمد عندي وهاتأخر قوي النهاردة

انما بتسأل لية ؟

بسألك عشان انا كمان ها أتأخر وقولت اجيلك ونروح سوا بدل البهدلة في المواصلات انا ها اخد العربية من بابا النهاردة فقلت اجيبك معايا اوك يا محمد انت ها تنزل امتى 

كمان شوية مش دلوقتي 

......

نسيت اقولكم ان محمد يبقى اخو اروى الكبير وفي كلية الهندسة في اخر سنة

واروى اختة الصغيرة

والاقرب لنفسة

واسرارة كلها مع اروى

                                                

اروى اتصلت على نسمة وقالت لها صباح الخير كويس اني لحقتك قبل ما تنزلي

لية خير في اية انا قولت الكلية اتلغت النهاردة ههههه

لاء طبعا اتلغت اية ؟؟

انا عايزة اقولك على حاجة تانية

اية قولي بسرعة

 ان في رحلة محمد اخويا هو اللي عاملهاورايحة راس سدر

نسمة قالت الله انا اول واحدة معاكم وانت عارفة ماما مش ها تمانع لو الرحلة من طرفكم النهاردة اجيب الاشتراك بتاع الرحلة وانت ادية لمحمد

خلاص يعني دة اخر كلام عشان الرحلة باص صغير ولو مش ها تقولي اه المكان ممكن يروح عليكِ

خلاص يا ستي قلت لك  ها اجيب الفلوس النهاردة هو الاشتراك بكام

مش حكاية فلوس انا ها ادفعلك وانت ابقي اديني الفلوس على مهلك

خلاص اوك ولا يهمك

طب حد من اخواتك ها يجي معانا والا لا ؟؟

بلاش خليني على راحتي هو انا ناقصة قرف خليني انا بس طب روحي سلام دلوقتي عشان اقدر اكلم بقية البنات يمكن حد فيهم يطلع

سؤال هو مين اللي ها يطلع

مفيش ...اصحاب محمد وشوية من معارفة وصحباتي

وتبقى ضيقة على قدنا

احسن بردوا عشان يبقى جوها عائلي

هههههههههههه اه يا نسمة يا سوسة انا بس اللي فهماكي مفيش غيري

طب سيبتلك المفهومية دي يا ستي روحي بقى بطلي لك

ماشي سلام

اشوفك في الكلية

الو السلام عليكم ممكن اكلم شاهيناز

اروى

ازيك يا شاهي عاملة اية

انا تمام الحمد لله انت اخبارك اية

انا عندي خبر حلو

قولي يا ستي لحسن ما سمعتش ولا خبر حلو بقالي كام يوم

اية النهاردة اجازة

لاء يا ستي في خبر  تاني احلى

اية قولي بسرعة

شوفي محمد اخويا عامل رحلة لراس سدر وقالي ممكن تجيبي صحباتك فيها وعاملها على الضيق عشان تبقى تحت السيطرة

قشطة وانا معاكِ فيها على طول بدون كلام طب اسالي الاول مامتك او باباكي انا يا ستي اول ما اقول لهم انك انت اللي عملاها وكمان محمد ها يوافقوا على طول هي اول مرة والا اية

هههههههههههه ماشي يا شاهي انت بتقولي زي نسمة ....

هي نسمة طالعة بردوا؟؟

ايوة طبعا

البت دي لاجئة عليه النعمه هههههههه او لازقة

حرام يا شاهي هو في زي نسمة

والله انتِ اللي نفسك حلوة

ماشي يا ستي انا بحبكم كلكم

زي اخواتي انت عارفة اني ما ليش اخوات بنات

وانت عارفة معزتك عندي بردوا

ربنا العالم

خلاص هاسيبك دلوقتي واروح اكلم بقية البنات

قبل ما ينزلوا يروحوا الكلية

ماشي يا اروى سلام يا قمر

سلام يا عسولتي

محمد ....محمد

ايوة يا اروى في اية

بتنادي لية كدة مفيش عايزة اقولك ان اللي ها يجيوا معايا في الرحلة نسمة وشاهي والباقي اعتذروا

وولاء يمكن تيجي او لا ؟

لسة ها ترد عليه بكرة اوك مفيش مشاكل

انا بس حبيت اقولك عشان تعمل حسابك في مكانين اساسي لنسمة وشاهي

ماشي كلامك يا ستي

ها تنزلي والا لسة شوية

اه بفكر انزل بدري شوية عشان زحمة المواصلات والمترو

لا ما تتعبيش نفسك تعالي اوصلك الاول وبعدين اروح كليتي

بس الطريق بعيد

ما تقلقيش النهاردة عندي سكشن واحد بس متأخر وانا رايح كدة كدة بدري ورايا كام حاجة عايز اعملها الاول ولسة بدري النهاردة ها اوصلك رايح جاي

خلاص يا محمد دة كدة انت تبقى مية مية

قومي اجهزي عقبال ما البس

ثواني واكون جاهزة

محمد وصل اروى الكلية

وهي عند باب الكلية

شافها وحيد زميلها اللي معاها في الدفعة هو وواحد تاني من زمايل اروى

وحيد مين اللي اروى راكبة معاه دة يا اسامة ؟

مش عارف والله بس تلاقية الجو بتاعها هههههه؟؟

وحيد بعصبية ما تقولش كدة انت عارف اروى كويس

بنت مؤدبة مش بتاعة الكلام الفاضي دة ؟؟

ومالك اتحمقت كدة لية تكونش بتحبها يا برنس ؟؟

لاء بس دي زميلة محترمة وانا اول واحد يشهد لها بكدة

هو انا قلت حاجة انت ها تركبني الغلط لية تلاقية اخوها والا ابن عمها دة حتى شبهها قوي والا تحب اروح اسالهالك ؟؟

لاء لاء لاء اوعى تسألها لحسن تقولك وانت مالك وتحرجك

طب خلاص تحب اعرفلك مين دة من غير ما تعرف اروى

يا ريت رد وحيد بلهفة

اسامة ضحك ضحكة طويلة قوي وخبيثة

ههههههههههههههههههه

مش بقولك شكلك واقع لشوشتك يا برنس

اسامة انا ما اسمحلكش تقول اي كلمة على اروى انت فاهم قالة الكلام دة وعينية بتطق شرار

طب خلاص خلاص ما تزعلش احنا اصحاب

انا ها اعرفلك مين دة وهاقولك وما تزعلش نفسك خالص مرضي كدة يا عم .....

ماشي يا عم اسامة وانا منتظر الاخبار بس من غير ما اروى تحس؟

خلاص يا عم الحٌٍنين

سلام يا صاحبي دلوقتي وهااقابلك كمان نص ساعة

سلام يا اسامة

                    

 اتمنى يكون الجزء الخامس عجبكم

المشهد السادس

صباح الخير يا ولاء عاملة اية واخبار العائلة الكريمة اية ؟؟صباح الخير يا اسامة انا تمام وماما وبابا كمان كويسين بيسلموا عليك يعني مش بنشوفك بقالك فترة يا اسامة

والله مشغول ما انتِ عارفة انا عندي شغلي جمب الكلية

طبعا عارفة يا اسامة ربنا معاك ويوفقك وابقي سلمي على خالتي وعمي

يوصل يا ولاء

بقولك اية صحيح نعم يا اسامة من غير مقدمات اروى النهاردة انا شفتها نازلة من عربية وكان في واحد بيوصلها الكلية

وكنت عايز اعرف مين دة؟

طب انت امرك يهمها قوي كدة لا مش بالضبط مش انا بس دي خدمة مش هانساهالك ابدا

طب هي العربية نوعها اية ولونها

عربية كيا سودة

طب اللي وصلها كان لابس نظارة

ايوة وانت ايش عرفك

ههههههههههههه يا سيدي دة يبقى اخوها محمد

ودة اخوها الكبير

ودي عربية باباهم عرفت اي خدمة تانية...

لا الف شكر يا ولاء ماانحرمش منك ابدا

اسيبك انا بقى وابقى سلمي على عمو وخالتي كتيير لغاية ما اشوفهم

ماشي يا اسامة يوصل ان شاء الله

وساب ولاء قبل ما تسأل اي سؤال وهي حيرانة لية اسامة سأل على اروى ولصالح مين ؟؟؟

جري اسامة على وحيد وهو بينادية

وحيد وحيد

اية يا أسامة خير ....

كل خير طبعا انا بس حبيت اطمنك جبتلك الاخبار

ها واية النظام؟

يا سيدي تعزمني على الفطار وحاجة ساقعة وبعدين اتكلم

يا رخامتك يا اخي كل اللي انت عايزة بس انطق قول

حاضر حاضر

شوف يا سيدي انت عارف ان ولاء بنت خالتي

ايوة عارف خير

جبتلك الاخبار اللي وصلتلها دة يبقى اخوها الكبير واسمة محمد ودي عربية ابوهم

انت واثق من الكلام دة يا اسامة

ايوة طبعا الله انت مش عارف ان ولاء بنت خالتي وهي من صديقاتها

ايوة عارف

طب خلاص اهو انا روحت وسألتها وهي بتروح من زمان البيت عندهم وعارفة كل اخواتها

مش قولت لك

اروى عمرها ما تعمل حاجة غلط دي انسانة محترمة ورقيقة

تي را را را را

هههههههههههههه

انت بتتريق يا سي اسامة

لا والله بس الكلام حكم عليه ولا قيتها مناسبة للموقف

والله ما انا مكمل كلام

لا اوعي تزعل قول يا عم الرومانسي

بردوا كدة طب مفيش فطار انا لاغيت الفكرة

كدة يا وح وح ماشي هي دي اخرة الصداقة ماشي ولا هاسأل فيك بعد كدة...

طب خلاص تعالى نفطر وعلى حسابي وحيد وحيد ما تسبنيش هنا

وجري اسامة ورى وحيد عشان يصالحة

النهاردة بقى الجو جميل وشاعري

والكل اتجمع في مكان محدد عشان يروحوا الرحلة

اروى واخوها ونسمة وشاهي وولاء جت اخيرا الرحلة ومعاها اختها

الكل كان سعيد ومبسوط

ووصلوا الشط وكل واحد غير هدومة ونزل المية اللي بيلعب كورة واللي بيلعب راكت

واللي بيلعب شطرنج وطاولة

واللي بيتمشى بس المهم الوصية اللي وصتها ام اروى انها تخلي بالها من محمد وهو في المية

اروى اتمشت على الشط مع نسمة شوية ومع ولاء واختها شوية

بس اللي كان ظاهر قوي واحد زميل محمد اخوها في الكلية كان بيحاول من اول ما ركبوا الباص انة يتكلم مع اروى ونسمة وولاء

اروى ما اهتمتش قوي بالرد علية بس نسمة كانت مبسوطة قوي وعمالة ترد وتدير الحوار بحماس

وكان كلام اروي بسيط جدا 

وفي اخر اليوم نسمة قالت لها انت مش ملاحظة ان عماد كان طول الرحلة بيتكلم معانا

قصدك معاكي

ايوة معايا في حاجة يعني

لاء بس باين عليه ابن ناس ومحترم

يا بنتي اصحاب محمد كلهم محترمين وكويسين والا ما كانش طلعهم اساسا دة بيخاف عليكِ زي بالضبط انت مش عارفة والا اية ؟؟؟

ايوة عارفة هو انا قلت حاجة

بس بصراحة دمة خفيف

واسلوبة جميل

امممممممم واية كمان ؟؟

لا مفيش انا اقصد اقول يعني انة من الاخر واد مووووز

ههههههههههههه

موز اية ونيلة اية دة انت باين عليكِ

خرفتي الظاهر جالك ضربة شمس وريني قورتك يا حبيبتي كدة

اية يا اروى الله وعلى فكرة هو سألني عليكِ بردوا نعم سألك عليه لية ان شاء الله ؟؟

ما اعرفش كلام عادي هو شايف اننا اصحاب قوي وسألني من امتى قولت من صغرنا وكدة بس ادي كل الحكاية وقالي باين عليكِ بتحبيها قوي قلت طبعا احنا اكتر من اخوات

ها واية كمان قولي يا سوسة

ما انا طول عمري بقول عليكِ

سوسة محدش صدقني

الله يا اروى انا سوسة بردوا دة انا غلبانة

ماشي يا عم الغلبانة لما نشوف اخرة الحكاية اية

والله اخرتها لو انا زي ما توقعت ها يجي يتقدم لي على طول

ههههههههههه ياااة  واثقة من

نفسك

طبعا يا بنتي انا واثقة في نفسي على رأي منى زكي في المسرحية ...

ماشي يا عم الواثق ربنا يسهلك حالك اهو اخلص منك والسلام

كدة يا روري انا بقول انك اقرب صديقة واخت لية

ومالة هو انا قلت حاجة انا قلت اخلص منك ومن زنك

وخليني افرح فيكِ قصدي بيكِ

ماشي ماشي

هو احنا فاضل لنا قد اية ونوصل

تقريبا نص ساعة خلاص وما تقلقيش ها اوصلك انت وولاء لغاية البيت

ايوة كدة امال اصحاب واخوات على الفاضي

اهو اصحاب جايين عليه بالخسارة يا ست نسمة هههههههه

المهم انهم وصلوا بالسلامة وفضلت نسمة شايفة قدامها عماد وكلامة وبتقول اه لو يتقدم لي اتخطب زي كل البنات ها تبقى حاجة جميلة واهو لية مستقبل وعيلة ومنظر انما اية

يالا لما اشوف الدنيا ها تمشي ازاي

روحت اروى منهكة جدا

دخلت اخدت شاور ورمت نفسها على السرير بدون ولا كلمة

......

بعد يومين من الرحلة لقت اروى اخوها محمد بيقولها يا اروى انا عايزك في موضوع

خير يا محمد

قوليلي هو حصلت حاجة في الرحلة وانا ما عرفتهاش

يعني في اي مواقف حصلت وانا في المية

لية خير هو اية اللي حصل يا محمد؟

انا اللي بسألك هل دار حوارات كتيرة بينك وبين عماد؟

ابدا والله كلام بسيط جدا

وكل كلامة تقريبا كان مع نسمة وكانوا منسجمين قوي

لية هو قالك حاجة عليها ؟؟

اصلة كان باين انة معجب وكل كلامة كان موجه ليها

لاء يا ستي عماد مش معجب بيها ولا اي حاجة

امال في اية بالضبط ؟

انا كنت فاكرة من اسلوبة معاها انة معجب بيها وانة ممكن يتقدم لها كمان....

بالعكس انا النهاردة قابلتة في الكافية وقالي حاجة غريبة قوي عشان كدة جاي اسألك اية الحوار اللي دار بينك وبينة

ما انا قلت لك على الحوار اهو كلام بسيط وكل كلامة كان مع نسمة

هو في اية يا محمد ممكن توضحلي

حاضر باختصار عماد عايز يجي يقابلك

نعم اية ؟؟؟

ايوة عايز يجي يقعد معاكِ اصلة عايز يا ستي يتقدم لك وفاتحني في الموضوع

وانت عارفة انة ابن ناس ومحترم جدا وصديقي من زمان وانا عارف اهلة كلهم وكلها شهر ونتخرج وطبعا ها يشتغل في شركة والدة يعني مش محتاج لا شقة ولا شبكة وحتى الشغل متوفر

الله انت بتقولي لية كدة هو انت شايفني واقفت عليه والا معجبة بية ؟

انا قلت اقولك اللي اعرفة وخلاص قبل ما اقول لبابا

وكمان ها تقول لبابا

ايوة امال اية ؟

انا بقى مش معجبة بية ولا اي حاجة انا بس مستغربة هو ازاي يفكر فية انا مع انة كان باين عليه انة معجب بنسمة جدا ؟

يا ستي هو كان طول الوقت بتكلم معاها عليكِِ انت اسأليها كدة وهي تقولك ..

بس مش غريبة هو المعجب بحد مش بيبان عليه والا يتكلم مع حد ويعجب بحد وعموما هو ما لفتش نظري خالص لاني مش حاطة في بالي غير دراستي وبس ومش بفكر في اي ارتباط

دة كلام سابق لاوانة

بس انا لازم اقول لبابا انة عايز يزورنا

خلاص قولة وانا في النهاية عارفة انا هاعمل اية؟

فضلت اروى بعد الكلام دة مستغربة قوي من عماد وطلبة من الارتباط بيها رسمي مع انة ما كلمهاش غير كام كلمة كدة مش كتيير وانة ازاي ما يفكرش في نسمة ويفكر فيها هي؟؟

وقالت يالا اللي ربنا عايزة ها يكون

الى هنا ينتهي المشهد السادس

المشهد السابع 

محمد دخل على باباه وقاله

يا حاج ممكن شوية من وقت حضرتك ؟؟؟

خير يا محمد تعالى انا فاضي ادخل

خير يا ابني عاوزني في اية شكلها

حاجة مهمة صح والا لا ؟

ايوة فعلا هي حاجة مهمة حضرتك

عارف عماد زميلي اللي معايا في الكلية

ايوة طبعا دة ولد كويس وابن حلال وانا عن نفسي بعزة قوي

مالة هو حصل لة حاجة

لا يا حاج دة الموضوع بخصوص

عماد كان طلب مني طلب بصراحة

وانا بصراحة ما اقدرش اعمل له

 فية حاجة من غير موافقتك انت

خير يا محمد انت قلقتني

لا يا حاج مفيش قلق ان شاء الله .

حضرتك عارف ان عماد طلع معايا الرحلة بتاعة راس سدر

ايوة عارف طبعا

في الرحلة دي عماد شاف اروى كويس

وجه وقالي انة عايز يزورنا عشان لو في قمسة ونصيب عايز يطلب ايدها

انت اية رأيك يا حاج ؟

والله يا ابني عماد من الناس اللي انا بعزهم جدا وبحبهم لله في لله وما عنديش مانع انة يجي وخصوصا انة ولد مجتهد بيشتغل مع ابوة وشايل همة وكمان من المتفوقين ديما

خلاص اقولة اية

اخلية يجي يزورنا هنا

ايوة خليه يجي ما عنديش مانع

بس اروى انا حاسس انها مش مرحبة بالموضوع مش عارف لية

سيب اروى عليه خلي الراجل يجي مش ها نخسر حاجة لما نشوف دماغة  فيها اية ومحدش عارف النصيب فين ....

خلاص خلية يجي بكرة يا حاج

ماشي الساعة سبعة ونص

وها يجي لوحدة صح

ايوة دي قاعدة تعارف عشان اروى تقدر تشوفوا عن قرب وخصوصا انها ما اتكلمتش معاه الا نادر جدا

خلاص على بركة الله

تاني يوم الجرس رن في نفس الميعاد اللي اتفقوا عليه بالضبط سبعة ونص

روح يا محمد افتح الباب

حاضر يا ماما

قومي يا اروى البسي فستان كدة حلو ....

لاء ما ليش نفس ؟؟

لية يا بنتي بس هو انا بقولك اعملي حاجة عيب او حرام ؟؟

مش القصد يا ماما سيبيني البس براحتي انا اساسا مش موافقة عليه وما بفكرش في حكاية الارتباط اساسا الا لما اخلص دراستي ...

هو انا قولت انك ها تتجوزية

القصد انك تبقي حلوة كدة وفكي وشك ..

بصي لو عايزة اني اطلع له بلاش الكلام دة عشان بينرفزني

وبحس اني بضاعة في فترينة  عارضنها

خلاص براحتك بقى انت حرة انا عاملة العصير شوية لما ابوكِ يشاور لي ها اقولك تقدمي العصير

والنبي يا ماما ابوس ايدك بلاش الحركات القديمة دي بتاعة ماري منيب ها عشان انا بتخنق بسرعة

خلاص خلاص ها اخلي محمد يجيب العصير هو ويقدمة

ايوة كدة لما اشوف اية اخرة اللقاء دة

دخل عماد البيت وقابل ابو محمد وبصراحة الراجل رحب بية جامد جدا وحسسة كأنة ابنة واتكلم في حاجات كتييرة واروى كانت جوة

وفي الاخر قال ابو اروى لمحمد قوم نادي اختك

جت اروى واول ما طلعت عماد ابتسم ابتسامة عريضة وقام يسلم عليها

اروى اول ما دخلت قالت السلام عليكم وراحت قعدت جمب باباها فورا

وسابت عماد واقف

قام قعد من الربكة

كانت القاعدة عادية والحوار دار بين عماد واروى

في الدراسة والشغل وحال البلد

وفي آخر الجلسة مشي عماد فرحان

بس اروى ما كانتش مرتاحة ما حستش انة ممكن يكون زوج المستقبل

اروى عملت استخارة ونامت

صحيت مزاجها وحش قوي ومتعكنن

وقالت الجوازة دي مش لازم تتم

انا مش مستريحة له اساسا يبقى اكمل معاه ازاي

والد اروى حل المشكلة اللي اروى كانت واقعة فيها وقال لازم نهدى شوية لغاية ما الامتحانات تخلص وفعلا

الموضوع فضل معلق لغاية ما الامتحانات بدأت

انشغلت اروى في مذاكرتها وامتحانات العملي

خلصتها وبدأت النظري

وخصوصا ان والدها اجل اي كلام لبعد ما السنة تنتهي مع عماد

والشئ دة خلى اروى تهدى وتذاكر بنفس وهدوء

خلصت الامتحانات وكالمتوقع طلعت اروى الاولى على الدفعة

ومحمد وعماد اتخرجوا من الكلية ومحمد طلع الاول وعماد طلع الرابع على الدفعة

واضح انها عيلة دحاحة 

ورجع عماد يكرر طلبة

وخصوصا انة انهى دراستة بتفوق 

 

في الوقت دة اروى كانت حسمت رأيها انها ها تقعد قاعدة واحدة كمان يمكن شعورها يتغير تجاهه واهي تعمل اللي عليها

جة عماد وكان معاه المرة دي اخوة ما جاش لوحدة

فضل يتكلم واروى ترد عليه وتسمع له

وطلعت المرة دي اروى مستقرة على قرار واحد

ما اتجوزوش يا بابا

ما اتجوزوش يا بابا

باباها كان راجل عاقل قالها يا بنتي الحياة فرص وانا شايف ان عماد شخص مناسب وكويس من كلة

بس يا بابا انا مش قادرة اعمل اية مش شايفة نفسي معاه زوجة اساسا

خلاص يا بنتي دة قرارك النهائي

ايوة دة قراري النهائي ومش هارجع فية

خلاص على راحتك يا اروى

انا ما اقدرش اجبرك على الجواز من واحد انت مش قبلاه

لانك انتِ اللي ها تعيشي معاه مش انا ؟؟؟؟

هديت اروى وحست ان في كابوس

كان واقف على قلبها وانتهى

عدي على موقف عماد حوالي اسبوعين

وفجأة لاقت التليفون بيرن

ردت اروى

الو ايوة مين  نسمة

ازيك يا بنتي انت فين

ومختفية لية ؟؟

عاملة ايةواخبارك اية يا رب  تكوني بخير ديما يا رب

ايوة انا في احسن حال انا متصلة بيكِ عشان اعزمك على فرحي

الله بجد فرحك مرة واحدة

ايوة يا بنتي انا ها اتجوز

كدة على طول مفيش خطوبة

خير البر عاجلة انا لاقيتة انسان محترم وكويس قلت اوافق عليه عصفور في اليد خير من عشرة على الشجرة

ههههههههههههه يا خربيت دماغك

ومين اللي امة داعية عليه دة

واحد ابن حلال اسمة باسم وهو شغال ضبوطة بحري

شافني في قاعدة عائلية دخلت قلبة من اول نظرة

يا جامد ههههههههه

وهو مستعجل قوي جة زارنا وانا استريحت لةوقرينا فتحة ولبسنا الدبل في المحل 

يعني من غير ما تعزميني 

والله ما عملنا حاجة 

وكانت الدبل من يومين بس  

وعايز يتجوزني بسرعة

وياخدني معاه على اسكندرية

الله والكلية

هااخدها ما تقلقيش

اية يعني اتجوز واكمل مفيش مشكلة

والله انت عليكِ حاجات يا نسمة

مفرقعات مش مفاجأت

عموما يا ستي الف مليون مبروك

عقبالك يا اروى

انا لسة بدري مش لما اخلص الدراسة الاول

يا بنتي ما تقوليش كدة ربنا ها ييسرها وتلاقي ابن الحلال اللي ترتاحي له

عموما انا منتظرة انك تجي معايا للكوافير

والا ها تسيبيني لوحدي

لا لازم اجي بس الميعاد امتى

الخميس اللي جاي

على طول كدة خبط لزق

ايوة يا ستي خير البر عاجلة

الف مليون مبروك والله انا فرحانة لفرحك

وانا هاابقى جاهزة ومستعدة

خلاص يا رورى

خلاص يا سمسمة 

الاسبوع فات جري وجة اليوم اللي منتظراه نسمة بفارغ الصبر

وراحت اروى مع نسمة الكوافير

وخلصوا ميك اب واستعدت العروسة وكانت زي القمر

واروى كانت لابسة فستان سمبل قوي وحاطة ميك اب هادي جميل مناسب مع لون بشرتها

اول ما العريس جه

مسكت اروى فستان نسمة

وطلعت توصلها للعربية اللي فيها باسم

وركبتها وركبت معاها قدام وكانت فرحان قوي لفرح نسمة

لفوا شوية وراحوا للمصور

وقعدوا فترة عشان الصور تطلع حلوة

خلصوا المصوراتي وطلعوا على النادي

ودخلت اروى مع نسمة ولقت البنات كلهم في القاعة

ولابسين اية لابسين سواريهات وعاملين عمايل في نفسهم

اما اروى كانت مفيش ابسط منها فستان رصاصي في اسود

وفية شغل بالشيفون

ودخلت قعدت في الفرح شوية المغني طلع على المسرح وقال انا عايز كل صحبات العروسة وحبايبها يجوا عندي هنا

طلعت كل البنات وشاورت نسمة لأروى عشان تطلع على المسرح

قامت طلعت وهي طالعة فجأة

كانت ها تقع قام واحد ماسك ايدها وعدلها

بتبص يا ترى طلع مين دة ؟؟؟؟

دة اللي ها نعرفة المرة اللي جاية يا حلويين

الى هنا ينتهي المشهد السابع

 

              

المشهد الثامن

بصت اروى تشوف مين اللي مسك ايدها لاقتة احمد

فاكرين احمد اللي كانت اروى قابلتة في مكتبة الكلية وكان عايز ياخد المرجع ووقع منهم على الارض هو دة

متشكرة قوي ردت اروى بارتباك اول ما عينها جت في عين احمد

ابتسم احمد وقالها على اية

هو انا عملت حاجة

وسابتة اروى وطلعت على المسرح ووقفت ورى نسمة وفضل احمد مركز نظرة على اروى منين ما تروح حتى اروى نفسها حست ان في حاجة غلط

حست انها متراقبة

قعدت نسمة بعد ما رقصت على الموسيقى السلو هي وباسم

وكل صحبات نسمة كانوا عاملين شو جامد اللي بترقص واللي بتغني واللي بتزغرط

لكن اروى قعدت على ترابيزة مع كام بنت كدة كانت اخر حاجة تعملها انها تسقف بايدها

قرب الفرح على انة ينتهي

والوقت اتأخر جدا ومحمد اتصل على اروى وقالها الماتش بتاع كاس العالم ما خلصسش لسة ومش ها يقدر يروح يجيبها ولازم تتصرف يا تيجي دلوقتي يا تخلي حد يوصلك من اخوات نسمة قامت اروى راحت لنسمة وقالت لها انها لازم تمشي

قالت لية يا اروى ما تسبنيش خليكِ معايا لاخر الفرح

قالت مش هالاقي مواصلات يا بنتي احنا بيتنا بعيد عن النادي وانت عارفة هاروح ازاي لوحدي

قالت خلاص ولا يهمك هاخلي حد يوصلك اتصلي عليهم قوليلهم كدة والا تحبي اكلمهم انا

لاء خلاص ها اتصل عليهم انا

اتصلت اروى وقالت لهم في البيت ان نسمة ها تشوف حد يوصلها لغاية البيت

بعد ما خلصت مكالمة

شافت نسمة بتشاور لها وقالت لها تعالي

قام باسم قالها ازيك يا اروى

قالت تمام الحمد لله قالها والله انا عايز اقولك على حاجة غريبة هي مش وقتها بس لازم تعرفي

قالت خير وكل الحوار دة دار وهي واقفة جمبهم في الكوشة قام شاور لها على اتنين وقالها دول زمايلي

وكلموني عنك عايزين يتقدموا ليكِ اية رايك ؟

مين فيهم شايفة انة احسن بالنسبة لك

اروى اتكسفت وضحكت

قامت نسمة ردت بالنيابة عنها

وقالت الله يا باسم سيب البنت دلوقتي المهم اننا نوصلها

قام باسم مشاور على احمد وقالها

شايفة احمد اللي قاعد هناك دة

بصت اروى عليه لاقتة احمد عبد الله

قالها دة بقى متربي معايا واصحاب من ضغرنا وجيران ومن عيلة واهله ناس محترمة جدا جدا

وبيدور على عروسة

وانا هاخلية يوصلك مع اخوات نسمة اية رأيك وما سابش فرصة لاروى انها ترد

قام باسم نادى احمد بسرعة احمد احمد وشاور له

قام احمد جة جري وجة وهو بيبتسم ابتسامة جذابة

خلت اروى تحس ان الدنيا بتلف

ومش عارفة اية اللي بيحصل بالضبط

اروى عارفة احمد وكان لفت انتباهها من زمان

بس الله هو مش احمد كان خاطب مي

اية اللي حصل هما سابوا بعض

شوية اسئلة دارت في دماغ اروى وهي واقفة مبلمة وساكتة

وحاسة ان القدر جمعها مع احمد

 أكيد لحاجة لا يعلهما الا الله

باسم قال لاحمد يالا روح وصل اروى لغاية بيتها وخد اخوات نسمة معاك

وتعالى عشان الزفة

اوعى تتأخر

احمد ما كدبش خبر

اخد اخوات نسمة واروى ونزلوا تحت لغاية الباركنج

لاقت اروى عربية فيت حمراء

128

ولاقت فيها شرايط كتيير قوي على الكرسي اللي جمب احمد

قام احمد قالها معلش ثواني وفتح الباب وقعد يلم الشرايط كلها

قالها معلش عربية على قدي

بس والله اصيلة

ابتسمت اروى ابتسامة خفيفة

من غير ولا كلمة

اخوات نسمة ركبوا ورى

وهي ركبت جمب احمد ومش مصدقة انها راكبة مع احمد

كانت سعيدة وعندها شعور غريب عمرها ما حست بية قبل كدة ومش عارفة اية الشعور دة

احمد سألها على بيتها فين وصفت اروى البيت

وقالت والله انا اسفة اني تعبتك

اصل النهاردة نهائيات كاس العالم واخويا محمد ما رضيش يجي الفرح مخصوص عشان يشوف الماتش

لانة من  محبين كرة القدم قوي

ولا يهمك يا ستي انا موجود والحمد لله اني فاضي

انا مكان محمد اخوكِ

سالها اسئلة عادية عن والدها وبيشتغل فين

وعندها اخوات قد اية

بصت لاقت نفسها وصلت البيت

احمد قالها ان شاء الله اشوفك تاني قريب انت مش ها تباركي لنسمة وباسم

ان شاء الله هاروح لهم كمان يومين عند ماما نسمة قبل ما تسافر بيتها بعد ما ترجع من الاوتيل

خلاص ان شاء الله اشوفك على خير

اتفضل معايا

بجد اجي ايوة انا ها اقول لبابا عنك وماما اول ما اطلع هاقولة انك وصلتني لغاية البيت الف شكر

استغرب احمد من صراحة اروى وانها مش بتخبي حاجة على اهلها

وحس انها بنت رقيقة قوي ومشاعرها مرهفة وانها هادية ومؤدبة وكمان متفوقة جدا في دراستها

حتى من خلال مراقبتة ليها

في الفرح تأكد من كل حاجة بنفسة حتى من غير ما اروى تحس

اساسا

طلعت اروى البيت واول ما امها فتحت الباب

حست ان في حاجة مختلفة في بنتها

راحت وراها على اوضتها وسألتها مالك يا اروى هو في حاجة حصلت في الفرح النهادرة وانا ما اعرفهاش

ضحكت اروى وقالت بتقولي لية كدة ؟؟؟

عشان باين عليكِ ان في حاجة مختلفة مش انتِِ

بنتي والا بنت الجيران دة انا بحس بيكِِِ من اقل حاجة اه والله من النظرة الهمسة الكلمة قولي على طول وخلصيني

والله يا ماما بأختصار في واحد زميل باسم جوز نسمة وصاحبة قوي وجارة كمان وصلني النهاردة لغاية البيت انا واخوات نسمة الصغيرين

ومالة دة

مش عارفة باسم قالي كلمتين وانا واقفة جمبه هو ونسمة في الكوشة

ان في اتنين عايزين يتقدمولي رسمي ويطلبوا ايدي وسألوة عليه

وفي الاخر قالي ان احمد بيدور على بنت الحلال اية رايك فية وقام مشاور له وقالة وصل اروى لغاية البيت

من غير ما انطق ولا كلمة

طبعا وافقت عشان البية محمد ابنك بيتفرج على الماتش وما كانش اتفاقنا انة يسيبني هناك لوحدي

قالي ها يجي في الاخر عشان يرجعني البيت

معلش يا اروى ها المهم اية اللي حصل تاني

ولا حاجة قعد يسألني على مكان شغل بابا واسمي

وبس وقلت لة اتفضل قالي بجد قلت اه انت فاكرني مش هاقول لبابا وماما مين اللي وصلني والا اية ؟؟

قام ابتسم كدة وسكت

وقالي ها تروحي تباركي لنسمة والا لا ء قلت اه كمان يومين

ها في حاجة تانية حصلت او قالك كلام تاني ؟؟

لا كنا وصلنا البيت وقالي خسارة يا ريت البيت كان بعيد شوية عن كدة وانة يحب يشوفني تاني وانة لية الشرف انة وصلني

يا اروى شكلة كدة معجب بيكِ

الله يا ماما اعجب بية اية بس

امال مش انتِ قلتي ان باسم قالك انة بيدور على بنت الحلال وخلاة يوصلك بنفسة مش واحد من الاتنين التانيين ....

ايوة ودة مالة

يعني باسم بيرشحلك احمد وخلاة يكلمك عن قرب

عموما اللي فية الخير ربنا يعملهولك

وقامت ام اروى وسابتها غرقانة في افكارها واحساسها العجيب

اللي ما حستهوش قبل كدة
وخصوصا انها كانت عارفة ان احمد خاطب مي وازاي سابها مع انهم كانوا متوافقين مع بعض قوي وكان باين انة بيحبها ومش شايف غيرها 
عموما مش هاسبق الاحداث وبكرة اكلم نسمة واقولها على اللي انا بفكر فية واشوف رايها اية 
واللي ربنا عايزة ها يكون 
الى هنا 

ينتهي الجزء الثامن
وان شاء الله يكون عجبكم

المشهد التاسع

صحيت اروى على صوت موسيقى وأغنية

لعمرو دياب

حبيبي ياة مالك قلبي بالهوا

يا مالك قلبي بالهوا خدني معاك خدني اه خدني بالهوا

حبيبي

وطلعت برة الاوضة لقت محمد مشغل اغاني عمرو دياب ومعلي الكاسيت على الاخر ومبسوط وبيرسم شغل جديد للمكتب اللي اشتغل فيه

اول ما شافتة قالت يا صباح الروقان الجميل يا حمادة

صباح الفل يا روري

اية يا عم الروقان دة كلة

بصي يا اروى لما بكون مشغول في شغل جديد بحب اسمع اغاني واعلي وانت عارفة كدة كويس ؟

ايوة يا سيدي عارفة والله

بس اكيد في حاجة تانية صح والا انا غلطانة

ههههههههههههه ضحك محمد ضحكة طويلة وقالها والله انتِ الوحيدة اللي فهماني في البيت دة

شوفت ما انا بقول بردوا

بصي روحي اغسلي وشك كدة عقبال ما اخلص وتعالي اقولك

اوك يا جميل انا جاية هوا

مش هاأتأخر وبالمرة

هاروح اشوف ماما

وها ارجعلك تاني

صباح الفل يا امي يا حبيبتي

ها تعملي اية النهاردة على الغدا

صباح الجمال على عيونك يا رورى

هو انا لسة ها اعمل ما خلاص عملت محشي ورق عنب

وبطة وملوخية وشوربة

الله انا بموت في الاكل دة وخصوصا من ايد ست الحبايب امي حبيبة قلبي ربنا يخليكِ لينا يا امي

ونفضل ناكل من ايدك الحلوة دي على طول ٍ

ما انحرمش منك يا اروى

عايزة مني اي مساعدة

لا يا حبيبتي انا صحيت بدري واتسليت عملت الاكل اساسا كلة وقرب يستوي شوية وهايكون الاكل جاهز

مش بقول انت احلى ام في الدنيا كلها مش مخليانا عايزين حاجة ابداً

غسلت اروى وشها وصلت الضحى و

راحت اروى لمحمد

ها ما قولتش بقى اية اللي مخليك فرحان كدة ومبسوط قوي

بصي بدون لف ولا دوران انا قلت لبابا اني عايز اخطب

سمر وهو ما عندوش مانع

مبروك مقدما يا محمد والله انا كنت واثقة من كدة مليون في المية

انت شاب محترم وابن ناس وكمان متفوق وليك مستقبل ممتاز ما شاء الله عليك

ايوة يا اختي من يشهد للعريس

ها وفاتحت سمر والا لسة ؟

ايوة فاتحتها وان شاء الله ها تقول لاهلها وتاخد ميعاد عشان نروح نزورهم في البيت

الله الله ايوة كدة خلينا نفرح بيك

عقبالك يا رورو

لسة بدري ..........

لا بدري ولا حاجة

انت شايف كدة

ايوة شايف ان لو جالك ابن ناس ومحترم لية ما توافقيش عليه

والله دي بقى فكرة مش متاحة حاليا

مش لما يبقى يجي ابن الحلال يا محمد ؟

ها يجي ها يجي وانا قلبي حاسس انة جاي قريب

سكتت اروى وهي حاسة ان الايام اللي جاية ها تبقى فيها احداث كتيرة قوي

وردت على محمد نخلص منك ومن سمر وبعد كدة نشوف اللي ربنا عايزة ها يكون

اروى عارفة قد اية محمد بيحب سمر لانها زميلتة في الكلية ومعاه في نفس الدفعة ومن اول ما شافها اعجب بيها وبهدوئها و أدبها

وكل يوم كان بيعدي كان محمد بيصر على الثبات على رأية كان شايف ان سمر فيها كتير من اروى اختة ودة يمكن سبب في انة حب سمر قوي وكان شايف انها نموذج ممتاز لزوجة المستقبل ....

عدى كام يوم على فرح نسمة 

وقررت اروى انها  تتصل على نسمة عشان تطمن عليها وخصوصا انة عدى كام يوم والمفروض على اتفاقها انها تروح تبارك لنسمة قبل ما تسافر

السلام عليكم ازيك يا طنط انا اروى

ازيك يا اروى يا حبيبتي عاملة اية واخبارك

الحمد لله تمام يا رب ما اكونش اتصلت عليكوا في وقت مش مناسب

لا ابدا يا حبيبتي انتِ اتصلي في اي وقت

طب هو انا اقدر اكلم نسمة

والا اكلمها في وقت تاني

ايوة طبعا يا حبيبة قلبي ثواني

خليكِ معايا

الو اروى

نسمة ازيك يا عروستنا يا جميلة وحشاني والله

وانت اكتر يا جميل كل دة غياب مش انت قلتي ها تكلميني عشان تيجي تزوريني قبل ما اسافر

ايوة قلت بس انا قلت اسيبك حبة

وما اقطعش عليك الجو الرومانسي

ههههههههههههههههه رومانسي اية بس عموما انا عندي كلام كتير قوي ومش هاعرف اقولة ليكِ انا لازم اشوفك ضروري عشان اقولك على شوية حاجات مهمة ها تيجي امتى بقى ؟

ربنا يسهل يمكن النهاردة يمكن بكرة

لاء انت لازم تيجي النهاردة ضروري يا قمر ماشي

خلاص هاشوف واكلمك تاني واقولك اذا كنت ها اقدر اجي النهاردة والا بكرة

خلاص وانا منتظراكِ بفارغ الصبر

تعالي في أي وقت  

اوك ياجميل سلام لغاية ما اشوف ظروفي واقولك ها اعمل اية ؟

سلام ياقمر

خرجت اروى وراحت تنقي هدية شيك لنسمة عشان تروح تزورها

وفضلت تلف شوية لغاية ما نقت هدية جميلة واتصلت على نسمة وقالت لها هو انتِ فاضية دلوقتي انا عايزة اجيلك قالت لها نسمة تعالي انا فاضية ما عنديش ضيوف خالص راحت للبيت

اول ما وصلت اروى فتحت الباب نسمة بنفسها وعلى طول اخدت اروى للصالون ورحبت بيها جدا جدا

وشوية وفتحت سيرة احمد وقالت لها على فكرة احمد زمانة جاي هنا

احمد مين ؟؟

سالت اروى نسمةوهي مخضوضة

الله يا اروى احمد عبد الله مش عارفاه

طب وانا مالي

ههههههههههههه مالك ازاي دة منتظر انك تيجي عندنا عشان يجي في نفس الوقت شكلة كدة وقع على الاخر ههههه

الله يا نسمة انت بتهزري كتير لية

والله انا بتكلم جد الجد احمد فعلا زمانة جاي عشان يبارك لنا اول ما ضربتي الجرس باسم اتصل  عليه وقاله انك جيتي

طب وهو مالة ومالي

مالة ومالك ازاى انت مش عارفة انة بيدور على عروسة واول ما شافك اعجب بيكِ

الله هو مش كان خاطب مي ؟

الله انت فاكرة اهو لاء يا ستي

سابها من 8 شهور

وبيدور حاليا على بنت الحلال وجة مخصوص فرحنا عشان يشوف البنات يمكن يقع في بنت الحلال

وشكلة كدة استقر عليكِ يا جميل

نسمة لو سمحتي مش عايزة الهزار دة

والله ما بهزر انت عارفة غلاوتك عندي

وانا عمري ما ها اعمل حاجة تضايقك ابدا او تضرك عشان كدة بقولك

والمطلوب مني اعمل اية ؟

ولا حاجة شوفية يمكن يعجبك وعلى فكرة باسم شكر لي في اهلة جدا لانة صاحبة من زمان وجيران وقالي انة بني ادم كويس جدا

طب يا نسمة ساب مي لية ؟

مش عارفة الاسباب اية بالضبط؟؟

بس لو عايزة اعرفلك من باسم هاسألة واقولك

؟

والله يا نسمة مش عارفة اقولك اية

قولي اي حاجة هو الواد مش عاجبك والا اية؟

مش حكاية مش عاجبني بس الحكاية عمرها ما تيجي كدة

امال تيجي ازاي انتِ شوفتيني اهو باسم ما كنتش اعرفة قبل كدة شافني عجبتة كلم اهلة وجم زارونا واعجب بية واتقدم وانا قبلت واديني اتجوزت اهو

يعني مش مشكلة ولا اي حاجة واديني بقضي احلى ايام عمري

هههههههههههههههه

يا سلام انا المفروض اعمل كدة والا اية

اطلعي من دول وقولي الواد حلو صح والا اية قولي بصراحة

بصراحة هو مش ترررررن

الله شكل احمد جة يا اروى

اروى اتلبخت جدا ووشها احمر

نسمة قالت لها ما تقلقيش

هو مش ها يدخل علينا هنا

الا لما باسم يقولنا  

انا هاقوم اروح يا نسمة....

ما تبقيش عيلة بقى

خليكِ جامدة زي ما عرفتك

الواد مش ها ياكلك

هو بس عايز يشوفك عن قرب

وقالنا اسلم طريقة انة يجي هنا ويا ستي انتِ مش لوحدك دلوقتي ماما شوية وها تدخل تقعد معانا وتبقى قاعدة عائلية مفيهاش حاجة

تك تك تك

ممكن ادخل

باسم بيسأل من ورى الباب

ها قولتي اية ارد عليه اقولة اية

اروى ما عرفتش ترد

نسمة قالت بسرعة اتفضل يا باسم

ادخل ما سابتش فرصة لأروى انها ترد بعدم الموافقة

لو دخلنا جوة اروى ها نلاقي شعور رهيب فرحانة على مخضوضة على قلقانة ومش عارفة تسيطر على مشاعرها اساسا ولا عارفة حتى تقف على رجلها وتقوم تمشي

سرحت لثواني في اول مرة شافت فيها احمد في المكتبة ولفت انتباهها

جدا كان محترم وواثق من نفسة

وكمان امور

..........فاقت على  

دخول باسم اوضة الصالون

ومعاه دخلت ام نسمة

ووارهم دخل احمد

قدمت ام نسمة الحاجة الساقعة وقعدت معاهم وكانت عارفة اية اللي ها يحصل وان احمد جاي يشوف اروى من غير اروى ما تعرف فأصرت تقعد معاهم شوية في الاول

والحوار دار عادي على الدارسة

وازاي نسمة ها تقدر تكمل اللي فاضل لها من الكلية وهي مضطرة تسافر لبيتها في اسكندرية

واروى كان كلامها خفيف جدا وبسيط

شوية وقالت اروى انا يا دوب استأذن يا نسمة

نسمة قالت الله بسرعة كدة خليكِ شوية معانا

قالت انتِ عارفة ان قدام بيتنا بيعملوا اصلاحات في الطريق وعقبال ما الاقي تاكسي يرضى يوصلني ها اتعب جدا وانا بخاف ارجع في الضلمة والدنيا ليَلت

اندفع باسم وقال النهاردة مفيش حد جاي يبارك لنا واحنا مستعدين نوصلك قوم يا احمد وصلنا بزوبة بتاعتك  وأحنا لابسين وجاهزين فوجئت اروى بكلام باسم واحمد ما كدبش خبر قال يا سلام هو انا اطول

دة انا لية الشرف والله

اتفضلوا وقام واقف على طول نسمة شدت اروى من ايدها  وقالت عقبال ما تسخنوا العربية ها نحصلكم على طول

اروى بلمت وقالت لنسمة اية اللي بيحصل دة توصلوني اية وبتاع اية

قالت حد طايل الواد شكلة وقع يا بنتي في جمالك وحلاوتك

هو انا ناقصاكِ يا نسمة

جمال اية ونيلة اية

انت بس مش عارفة مقدارك كويس

بنت ناس ومحترمة وذكية وجميلة وموس مذاكرة ههههههههههههه

والله انت رايقة

الله وما اروقش لية صاحبتي وعايزة افرح فيها قصدي بيها

زي ما انا فرحت يا بنتي شعور تاني خالص ان يبقى ليكِ مملكة خاصة بيكِ انتِ وبس

شدت نسمة اروى جوة اوضتها و

غيرت طرحتها واخدت اروى ونزلوا ركبوا عربية احمد الفيت

وطول الطريق اروى كانت محرجة جدا وما كانتش بتتكلم الا نادر جدا ميلت نسمة عليها وقالت لها انت القطة بلعت لسانك والا واكلة سد الحنك ...اية الراجل عمال يكلمك وانت سكتم بكتم يا بنتي ردي عليه خليه يعرف شخصيتك

ردت عليها وقالت انا بتكلم بس اقول اية يعني

 قالت لها قولي اي حاجة

قالت خلاص وصلنا البيت

وصلوا البيت وقالت اروى تمام مرسي اتفضلوا معايا

رد احمد وقال قريب جدا ها نتفضل كلنا قريب جدا جدا ان شاء الله

طلعت اروى السلم والجملة بترن في ودنها قريب جدا ها نتفضل كلنا قريب جدا جدا ان شاء الله

طلعت فوق

 وفضلت تفكر في كلام احمد كتييييييييير

بعد كام يوم فوجئت بدون مقدمات ان والد اروى بعد ما رجع من الشغل بينادي عليها اروى تعالي انا عايزك في موضوع مهم

ايوة يا بابا حاضر

قالها اقفلي الباب وراكِ

نعم يا بابا خير في حاجة

ايوة فيه يعني انتِ مش عارفة انا عايزك في اية ؟

لا يا بابا والله ما اعرف

قول على طول

انت قلقتني جدا ........

يا ترى كان الحاج عايزاها في اية ؟؟؟

دة اللي ها نعرفة المرة اللي جاية 





الجزء العاشر
 
دخلت اروى على والدهاو 
هي قلقانة قوي وكانت بتقول يا ترى بابا عايزني في اية باللهفة دي كلها
اقفلي الباب وراكِ؟؟؟
حاضر يا بابا خير....
كنت عايزني في اية وبدون
مقدمات...
انت تعرفي واحد أسمة احمد؟؟

احمد اية بالضبط
احمد عبد الله و بيشتغل عندكم في الكلية
ايوة يا بابا خير مالة ؟
دة اللي وصلني يوم فرح نسمة
اروى ردت بقلق .....
والله الاستاذ احمد جالي النهاردة ومعاه واحد ضابط وكان عايز يقابلني 
وللاسف ما قابلتوش
اللي قابلة زميلي في الشغل
طب وانا مالي بالموضوع دة ؟؟
بصوت مرتبك اروى ردت
مالك ازاي ؟؟
دة الحكاية كلها تخصك انتِ ؟
بصوت عالي نادى الحاج نبيل محمد ابنة فجة محمد
ودخل جري الاوضة
نعم يا بابا خير
خير يا ابني ان شاء الله
قالة اسمع يا سيدي
انت لازم تحضر نفسك بكرة
عشان تيجي معايا الشغل عشان في واحد عايز يقابلني وانا عايزك تكون موجود
حاضر يا بابا لية في حاجة مهمة ايوة فيه
جالي واحد النهاردة شغال معيد في كلية اختك وكان عايز يشوفني هو وواحد ضابط زميلة
خير يا بابا حصل حاجة من اروى ؟؟؟؟
لا يا سيدي دة جاي مخصوص عشان يتقدم لاروى اختك 
وسابلي الكارت دة وقال انة ها يجي بكرة يزورني 
طب انا لازم ابقى موجود
ايوة طبعا امال ها اقابلة لوحدي ؟؟
لما جة النهاردة كنت برة الشغل
ما عرفش يقابلني وسأل علية
قاموا زمايلي ودوة لزميلي اللي اسمة نبيل زي اسمي
وقابلة وعرفة بنفسة وقالة اية ؟؟؟؟؟
قالة يا عمي انا جاي اطلب ايد بنتك الوحيدة
الراجل ضحك وقالة انا ما عنديش بنات
انا خلفتي كلها ولاد ذكور
قالة الله امال مش انت عندك بنت اسمها اروى
قالة لاء...

لا يا سيدي مش انا؟
دة الاستاذ نبيل مديري
وهو للاسف مش موجود النهاردة
هو في مأمورية برة الشغل
بس ممكن تجيلة بكرة بمشيئة الله
وها تلاقية هنا
وانا عن نفسي هااقوله انك جيت
وها اديلة الكارت بتاعك
تبقى مشكور قوي قوي
وانتهى اللقاء على كدة
وسابلة الكارت يا سيدي
حضر نفسك بكرة يا محمد عشان نقابلة سوا
دخلت اروى اوضتها وهي سرحانة في اللي حصل من باباها
وان بكرة ميعادة مع احمد
وانة اخد خطوة جريئة
عشان يتقدم لها بدون مقدمات
اتصلت اروى على نسمة
وقالت لها بعد ازيك وسلامات
انتِ عرفتي مين راح لبابا الشغل النهاردة ؟
لا وانا ها اعرف منين يا اروى
يعني ما عندكيش فكرة
الله هو انا بشم على ضهر ايدي قولي بسرعة اية اللي حصل ؟؟؟
هو باسم جوزك ما قالكيش والا اية ؟؟؟
باسم هو فين اصلا ؟؟
باسم عندة مأمورية في الشغل ومسافر ........
عشان كدة سابني عند ماما
الله امال مين اللي راح لبابا ؟؟
بابا اية وبتاع اية فهميني لاخبطك بالسماعة في نافوخك
والله انتِ حرة بقى
بصي باختصار احمد راح لبابا الشغل وكان عايز يقابلة وساب الكارت بتاعة
لان بابا كان في مامورية برة الشغل وكان معاه واحد ضابط
عشان كدة قلت دة باسم
وانتِ بتقولي ان ياسم في مامورية ومسافر يبقى مين ؟
مش عارفة يا اروى ممكن يكون مين ؟
وعموما مش مهم المهم ان ابو الهول نطق واخد اول خطوة عقبال ما افرح بيكِ قريب
هههههههههههههههههههه
ماشي يا لمضة هو قابل واحد صاحب بابا في الشغل وقاله انا عايز اطلب ايد بنتك الوحيدة
اروى وصاحب بابا قاله انت تقصد مديري مش انا انا كل ولادي ذكور مفيش عندي ولا بنت
ها وبعدين اية اللي حصل تاني مش باختصار انا عايزة بالتفاصيل المملة انتِ فاهمة والا لاء
يا نسمة هو دة اللي حصل ساب لزميل بابا الكارت عشان يدية لبابا ودة كل اللي حصل ماشي

 روحي بقى دلوقتي وبعدين نبقى نتكلم
خلاص بكرة لازم تكلميني
وتقولي اخبار المقابلة اية ؟
اوعي تنسي
ماشي مش ها انسى
سلام يا قمر
سلام يا سكر
الليلة دي فضلت اروى صاحية وعينها ما شافتش النوم
لغاية ما والدها راح الشغل
هو ومحمد اخوها
دخلت الاوضة ومن كتر التعب نامت من غير ما تحس
دخلت والدتها
لاقتها نايمة على كنبة الانترية
قامت غطتها وطلعت
فجأة صحيت اروى على صوت اخوها محمد وهو بيقول انتِ نايمة يا اروى قومي اصحي عشان تعرفي اية اللي حصل والا مش عايزة تعرفي ؟؟؟

صحيت اروى على صوت محمد
وقالت في اية خير
هو في حاجة حصلت
قالها الله انتِ
كنت نايمة والا عندك فقد في الذاكرة
انتِ ناسية انا روحت مع بابا
الشغل ....
اهاه افتكرت بس هو في حد بيصحي حد كدة
ها اية اللي حصل
تعالي عند بابا عايزك عشان يقولك بنفسة
قامت اروى وراحت غرفة الصالون
لوالدها نبيل قالها تعالي
بصي يا ستي
الاستاذ جة النهاردة الشغل عندي
وانا شوفتة وما عنديش اتعراض مبدئيا انة يجي البيت عشان تشوفية وتتعرفي عليه اكتر وامك تشوفة واخواتك
ولو في نصيب نسأل عليه وعلى عيلتة ...
كل دة واروى ساكتة وعموما هو اخد ميعاد ها يجي مع جوز صاحبتك وصاحبتك هنا آخر الاسبوع
تمام اخد ميعاد وانا وافقت
اروى ابتسمت ابتسامة خفيفة
وهزت راسها بالموافقة
وراحت اوضتها
قعدت تفكر في اللقاء
 يا ترى ها يكون شكل
اللقاء اية ..

الجزء الحادي عشر

مرت الايام بسرعة رهيبة وجة اليوم الموعود

اروى كانت متلخبطة قوي قوي

وعندها احساس غريب فرحانة

على قلقانة على شعور مش قادرة تحددة ....

دخلت ام اروى عليها لاقيتها قاعدة لا لبست ولا أي حاجة

قالت لها الله مش تلحقي تلبسي الناس على وصول

قالت حاضر يا ماما هاقوم البس اهو

قامت لبست بنطلون اسود وتيشرت اسود وعليه رسمة خفيفة بالوان هادية

وحطت طرحة برزت وشها وجمالة وحطت روج روز وكحل خفيف مر

الوقت بسرعة الساعة بقت سبعة ونص

دق جرس الباب قلب اروى وقع في رجلها وبدأ يعمل صوت حست كأن كل اللي حواليها سامعينة

جريت دخلت اوضتها

ومحمد راح فتح الباب

دخل باسم ونسمة واحمد دخل وراهم استقبلهم محمد ودخلهم اوضة الصالون

وجري على باباه قاله يا بابا الناس جم

قام قاله حاضر ها اطلع وخلي اختك تيجي ورانا

جري محمد على اروى وقالها بابا بيقولك تعالي

حاضر هاجي وراك

شعور لا يقدر بتمن

اروى مش مصدقة روحها ان احمد عندها في البيت وانة جاي عشان يخطبها وافتكرت اول مرة قابلت فيه احمد وازاي اثر فيها مع انها ما لحقتش تتكلم معاه

طلع الحاج نبيل وقابل الضيوف ورحب بيهم جدا

واستأذنت نسمة ودخلت لأروى الاوضة

وسلمت عليها وقالت لها النهاردة يوم السعد والهنا يا رب تتجوزي احمد ويبقى من نصيبك وتقعدي جمبي ونبقى جيران

اروى ابتسمت وخدودها احمرت قوي وخلاص جهزت وطلعت مع نسمة برة اول ما دخلت اروى الاوضة احمد قام وقف عشان يسلم عليها وكان لابس قميص ازرق ماشي مع لون عينية وبشرتة وبنطلون جينز اسود

دخلت اورى وقالت السلام عليكم ردوا السلام كلهم عليها وباباها قالها تعالي هنا يا اروى اقعدي جمبي

دخلت بهدوء ونظرات احمد ما نزلتش من عليها لغاية ما قعدت اتكلموا كلام عام واتعرفوا على كل عيلة

وفجأة قال الحاج تعالوا نطلع فوق السطح انا عامل قاعدة ها تعجبكم جدا والجو فوق ها يبقى اطرى من هنا اية رأيكم على اساس ان اروى تقعد مع احمد

وتتكلم معاه قدام عينة بس لوحدها في ركن

وفعلا طلع باسم ونسمة قعدوا مع والد اروى وقبل ما تقعد اروى معاهم قال باباها خدي استاذ احمد واقعدوا هناك شوية 

 وورية الزرع اللي احنا بنزرعة في قصاري الزرع

كانت اروى بتزرع ورد بلدي وياسمين في قصاري زرع

وبترعاهم بنفسها فوق السطح

اول ما قعدوا سألها احمد اخبارك اية عاملة اية وكان

بيكلمها وهو باصص في وشها ومركز عشان يشوف تعبيرات وشها كانت اروى بتكلم احمد من غير ما تبص في وشة

فجأة رفعت عينها لاقيتة مركز في عينها ارتبكت قام سألها سؤال مباشر

انتِ كدة خجولة على طول ؟؟؟

انا ملاحظ انك بتتعمدي تكلميني وانتِ باصة في الارض

انا عايز اشوف عينك ...

ارتبكت اروى قوي وتوهت في الكلام وقالت لة تشرب شاي بالنعناع ؟؟

ضحك احمد وقالها مش عايز شاي

انا عايزك انتِ

انت شخصية جميلة ورقيقة قوي

ونفسي نتكلم اكتر مع بعض

من اول ما شفتك وانا اعجبت بيكِ من اول نظرة

وحاسس اننا ها يبقى لينا مستقبل مع بعض

انتِ ساكتة كدة على طول ؟؟؟

لا انا بتكلم اهو عايز نتكلم في اية واحنا نتكلم

ضحك احمد وقالها أي حاجة

اختاري انتِ

قالت له نتكلم عن الهوايات

انت هواياتك اية؟

قالها بصي يا ستي هوايتي

الشعر بحبه جدا وبحب اقرأ

لنزار قباني

والسباحة

والسواقة بحبها جداً

دة بالاضافة للموسيقى

وانتِ بقى هواياتك اية

شوف انا هواياتي كتيرة جدا

انت عارف منها الموسيقى

والعزف على آلات كتيرة قوي

والرسم

والكتابة لخواطر على قدي

رد احمد عليها وقالها الله جميل

دة انتِ متعددة المواهب وانا ما اعرفش

ابتسمت اروى ابتسامة خفيفة وقالت دة بعض ما عندكم يا افندم

شوية وباباها نادهم عشان يشربوا الشاي اللي بالنعناع

وقعدوا شوية ومشيوا

اول ما نسمة روحت اتصلت على اروى وقالت لها ها اية النتيجة حاسة باية واية شعورك ؟؟؟

قالتلها مش قادرة اوصف انا مبسوطة قوي ومش عارفة اقولك أي حاجة تانية طب وباباكي

هو قال هو من ناحية الشكل والكلام انه باين عليه انسان محترم ومقبول وعموما هانسأل على اهله ونشوف اللي فيه الخير

طب كويس دي بداية كويسة يا اروى

آه ما أنا عارفة يا نسمة بداية كويسة وانا عموما هاشوف بابا واقولك على الرد

ايوة بالله عليكِ ردي بسرعة لحسن احمد قاعد على نار

ومنتظر الرد

ليه هو فاكر انه اول ما ينزل من هنا بابا ها يوافق عليه

دة انا بنته الوحيدة ولازم يدقق

بزمتك بصي في عيني كدة امممم

دة تلاقيكي اول واحدة عايزة تخلي عم الحاج يخلص

ههههههههههههههه اه يا نسمة يا سوسة

مش بقولك انا اللي فاهمك يا باشا عموما هاخلي باسم يطمن احمد ويقوله على النتيجة المبدئية

طب هو قال لباسم حاجة

ايوة طبعا قاله انا عايز اتجوز من دلوقتي

يا شيخة

ايوة الله قاله نفسي اغمض عين وافتحها الاقيني متجوز أروى

أنا مش هالاقي احسن منها

ولا من عيلتها متربية كويس وحلوة وقمورة قوي

هاعوز اكتر من كدة اية

أروى أروى

ايوة يا محمد بابا عايزك

روحي يا نسمة لحسن بابا

عايزني حالا

طب روحي سلام وابقي شوفي الاخبار وكلميني

سلام يا سكر

سلام يا عسل

ايوة يا بابا

اقعدي شوية انا عايز اعرف رايك

طبعا اللي يقرب بس من أروى كان سمع صوت قلبها وهو عمال يتنطط مش يدق

والله يا بابا هو انسان محترم ومقبول شكلا وهي تقصد اموووووووور بينها وبين نفسها

جذاب جداً

وعنده شقة وبيشتغل شغل محترم

ايوة انا عارف كل دة انا عايز اعرف انت حاسة باية من القاعدة اللي قعدناها

والله يا بابا انا مستريحة

مش مضايقة

بس ها اعمل استخارة واشوف ربنا رايد اية

خلاص وانا هاسأل عمك شكري

عارفاه طبعاً

ايوة يا بابا عارفاه لان اساسة من بلدهم وها يجيب كل حاجة عنهم

بالتفصيل

وعموما اللي ربنا عايزة ها يكون

ايوة يا بابا اللي عايزة ربنا ها يكون

وقامت أروى دخلت اوضتها

....

عدى كام يوم من غير جديد

وبعدين جة الحاج نبيل

نادي ام اروى وقالها الناس طلعوا كويسين شكري جابلي كل حاجة عنهم ناس محترمين وكويسين وعموما مبدئياً

أنا موافق روحي نادي بنتك عشان أشوف هانعمل اية ؟؟

ايوة يا بابا حضرتك عايزني

ايوة اتصلي على نسمة وخليها

ترتب ميعاد مع أحمد

أنا عايز اشوفة

حاضر يا بابا ها اكلمها

جريت  اروى على التليفوم وكلمت نسمة وقالت لها خلي احمد يكلم بابا

وفعلا أحمد اتصل على والد أروى

وحدد ميعاد وراح لهم البيت

بس المرة دي لوحده

قعد الحاج نبيل مع أحمد

واتكلموا كتير واتفقوا على كل حاجة تقريبا

وبعد ما قعد مع أحمد قرب الساعة وأروى كانت جوة ما

ما طلعتش خالص

قال الحاج نبيل يا محمد قوم نادي أختك أروى

دخل محمد وقالها ابوكِ الحاج

تقريبا اتفق على كل حاجة

مع أحمد تعالي بقى عشان بابا عايزك

اوك يا محمد أنا جاية

دخلت أروى وهي طايرة من الفرحة وحاسة باحساس رائع

أول ما احمد شافها قام وقف ووشة نور وقال جوة نفسه اية القمر اللي داخل عليه دة

وسلمت عليه وقعدت شوية والحاج سابهم يتكلموا مع بعض

أول ما سابها مع أحمد

أحمد قالها وشك والا القمر

ابتسمت بخجل أروى وما ردتش وبصت في الارض

قالها بصيلي انا عايز اشوف عينيكِ الحلوة انت بتخبيها عني ليه أنا عايز اشوفها لاني ما بشبعش منها

بحس فيهااني انا غرقان في بحر عميق قوي

ومش قادر اقاومة

قالت اروى دة بس من ذوقك

قالها ابداً انا اول مرة شفت عينيكِ ما قدرتش اقاوم وجيت جري على وشي لباباكي

عشان اخطبك لاني بصراحة ما تخيلتش الدنيا من غيرك

فجأة دخل محمد وقاله منور يا أبو حميد

قال دة نورك وبص لاروى بصة

لان محمد دخل وقعد معاهم

أروى قالت مع نفسها ايوة كدة يا محمد خليك جمبي لان قلبي ها يقف مش قادرة استحمل كل الكلام الحلو دة

ومشي أحمد على اساس انة ها يجيب عيلتة يوم الخميس اللي جاي عشان يقرأوا الفتحة

وعدت الايام بسرعة وجة اليوم الموعود

وجم والد ووالدة أحمد وشافوا اروى وعيلتها وارتاحوا العيلتين لبعض جداً واتفقوا على الشبكة انها تكون آخر الشهر

اروى كانت حاسة انها بتحلم واتعلقت قوي بأحمد وبدأت تحبه قوي وهو كمان لغاية ما جة اليوم الموعود

راحوا اشتروا الدبل وأحمد لابس أروى الدبل على الضيق من غير هيصة في بيت أروى على الضيق جداً

واخدها وخرجوا وراحوا سهروا

برة حلوة جدا  وكانت ليلة رائعةعمر ما أروى كانت تحلم بيها  

و بعد اسبوع من الشبكة بدأوا يوضبوا في الشقة لان احمد كان مستعجل على الزفاف قوي

وجة الحاج نبيل في يوم وقال

لأروى اتصلي بأحمد وخليه يجي ضروري عشان عايزة

أروى حست ان قلبها

وجعها فجأة

راحت اتصلت على احمد

وقالت له بابا عايزك ضروري

قالت لو فاضي تعالى

قالها ايوة انا دلوقتي فاضي

انا جاي كمان نص ساعة

أروى فتحت لاحمد الباب

قالها خير يا أروى بابا عايزني في أية

قالت له مش عارفة

دلوقتي حالا ها نعرف

جة باباها ورحب بيه

وقاله انا عايزك تشوف الورق دة

فتح أحمد الورق وشافه

لاقاه عبارة عن قايمة بالعفش

والاجهزة وفيها كمان دهب

فقال اية دة مش واخد بالي

رد الحاج عليه وقاله دي القايمة يا ابني بتاعة اروى

قاله كل الحاجات دي قاله اه

دة الاساس قاله مش هاقدر امضي عليها أنا آسف

....

أروى حست كأن في خنجر انضرب في قلبها وكأن الزمن وقف

فقال له الحاج نبيل خلاص يا ابني أنت كدة جبت من الآخر

ما لكش بنات عندي للجواز

الجواز قسمة ونصيب وكل شئ نصيب .....

ربنا يوفقك مع واحدة تانية غير بنتي شرفت يا أبني وآنست

محمد وصل الاستاذ أحمد للباب

كل الاحداث مرت بسرعة كبيرة ما غير ما تنطق بأي كلمة

وحست انها بتتخنق

والارض مش شيلاها

وفجأة الدنيا ضلمت من حواليها وما حستش بنفسها وقعت على الارض مغمي عليها

.الى هنا انتهى الجزء الحادي عشر وآسفة على التأخير في كتابة الجزء .